వీడియోలు

See How TPCC Working President Revanth Reddy arrested by Telangana Police at Home in the Midnight on 3rd December

రేవంత్‌ రెడ్డిని అరెస్టు చేసిన తీరు..

టీపీసీసీ వర్కింగ్ ప్రెసిడెంట్ రేవంత్ రెడ్డిని పోలీసులు తెల్లవారు జామున 3 గంటల ప్రాంతంలో ముందస్తు సమాచారం లేకుండా అరెస్ట్ చేశారు. ముందుగా హైదరాబాద్‌కు తరలిచేందుకు ఏర్పాట్లు చేసిన పోలీసులు అనంతరం జడ్చర్ల పోలీస్ ట్రైనింగ్ సెంటర్‌కు తరలించినట్లుగా తెలుస్తోంది. మరోవైపు పోలీసుల తీరుపై రేవంత్‌రెడ్డి భార్య గీత ఆగ్రహం వ్యక్తం చేశారు. తన భర్తను పోలీసులు బలవంతంగా తీసుకెళ్లారని, ఇంటి తలుపులు పగులగొట్టి తీసుకెళ్లారని ఆమె ఆరోపించారు. రేవంత్ అరెస్టును సీపీఐ నేత నారాయణ ఖండించారు. కేసీఆర్ ఓటమి భయంతోనే రేవంత్‌ను అరెస్ట్ అరెస్ట్ చేశారని ఆయన ఆరోపించారు.

మరింత +
Prajakutami Leaders Released People's Manifesto for Telangana Assembly Polls

ప్రజా కూటమి ఎన్నికల ప్రణాళికలో వరాల జల్లు

అన్ని వర్గాలకు న్యాయం చేసే విధంగా ప్రజా కూటమి ఎన్నికల ప్రణాళిక విడుదలైంది. సంక్షేమం, అభివృద్ధి ప్రాధాన్యతనిస్తూ, వ్యవసాయానికి పెద్దపీట వేస్తూ కూటమి నేతలు ఉత్తమ్‌కుమార్‌ రెడ్డి, ఎల్‌.రమణ, కోదండరాం, పల్లా వెంకట్‌ రెడ్డి విడుదల చేసిన.. ఈ మేనిఫెస్టోలో రైతులకు ఏకకాలంలో 2లక్షల రూపాయల వరకు రుణమాఫీ, పింఛను వయో పరిమితిని 60 నుంచి 58 ఏళ్లకు తగ్గిస్తామని కూటమి నేతలు వెల్లడించారు. ప్రజా కూటమిని తెలంగాణ ప్రజలు ఆశీర్వదిస్తారని ఆ నమ్మకం తమకు ఉందని వారు ధీమా వ్యక్తం చేశారు.

మరింత +
Komatireddy Raj Gopal Reddy Election Campaign at Sarampeta | Munugode

అబద్ధపు హామీలతో కేసీఆర్ ప్రజలను మోసం చేశారు

కేసీఆర్, కేటీఆర్‌లపై మునుగోడు కాంగ్రెస్ అభ్యర్థి కోమటిరెడ్డి రాజగోపాల్ రెడ్డి విమర్శలు గుప్పించారు. అబద్ధపు హామీలతో ప్రజలను కేసీఆర్ మోసం చేశారని ఆరోపించారు. కేవలం ఓట్ల కోసమే అమలు చేయలేని హామీలను ఇస్తున్నారని రాజగోపాల్ రెడ్డి ఆగ్రహం వ్యక్తం చేశారు. నాలుగేళ్లలో కుదాబక్షుపల్లి ప్రాజెక్టుల పనులను 10శాతం కూడా పనులు పూర్తిచేయలేదని చెప్పారు. కేసీఆర్, కేటీఆర్‌లు ఎవరు వచ్చినా మునుగోడులో తన గెలుపును ఆపలేరన్నారు. 135 ఏళ్ల చరిత్ర కలిగిన కాంగ్రెస్ పార్టీపై కేటీఆర్ విమర్శలు చేయడం సరికాదన్నారు. మల్లన్నసాగర్ భూ నిర్వాసితులకు ఒక న్యాయం, చర్లగూడెం భూ నిర్వాసితులకు ఓ న్యాయమా..? అని కోమటిరెడ్డి రాజగోపాల్ రెడ్డి.. ప్రశ్నించారు. నల్గొండ జిల్లా మునుగోడు నియోజకవర్గంలో ఎన్నికల ప్రచారంలో భాగంగా చర్లగూడెంలో భూ నిర్వాసితులతో ఆయన మాట్లాడారు. ఈ సందర్భంగా భూ సేకరణ చట్టాన్ని పక్కన పెట్టి.. అన్యాయంగా రైతుల భూములను లాక్కుని ప్రాజెక్ట్‌లు కడుతున్నారని కోమటిరెడ్డి రాజగోపాల్ రెడ్డి విమర్శించారు. అబద్ధాల మాటలతో అధికారంలోకి వచ్చిన కేసీఆర్‌కు ఈ ఎన్నికల్లో ఓటు వేయోద్దని పిలుపునిచ్చారు. అబద్ధాల పుట్ట కేసీఆర్, అబద్ధాలు చెప్పడంలో దిట్ట కేసీఆర్ అని కోమటిరెడ్డి రాజగోపాల్ రెడ్డి ధ్వజమెత్తారు. అబద్ధపు హామీలతో కేసీఆర్ ప్రజలను మోసం చేస్తున్నారని, కేసీఆర్ గతంలో ఇచ్చిన హామీలను ఏ ఒక్కటి అమలు చేయలేదని విమర్శించారు.

మరింత +
Komatireddy Raj Gopal Reddy Election Campaign at Choutuppal

కోమటి రెడ్డి బ్రదర్స్ మాట తప్పినట్టు చరిత్రలో లేదు

మునుగోడు నియోజకవర్గంలో కాంగ్రెస్ అభ్యర్థి కోమటిరెడ్డి రాజగోపాల్‌రెడ్డి ప్రచారంలో దూసుకెళ్తున్నారు.నియోజకవర్గంలో ఆయన ఎక్కడికి వెళ్లినా ప్రజలు నీరాజనం పలుకుతున్నారు.చౌటుప్పల్ మండలం చిన్నకొండూరులో నిర్వహించిన ప్రచారంలో కాంగ్రెస్‌పార్టీ కార్యకర్తలు భారీ సంఖ్యలో పాల్గొన్నారు. మునుగోడు ప్రాంతం అభివృద్దే తన లక్ష్యమని,ప్రజలకు సేవ చేయడం కోసమే కోమటి రెడ్డి రాజగోపాల్ రెడ్డి ఉన్నారన్నారు. ప్రజలను కేసీఆర్ మాటలతో మభ్యపెడుతున్నారని,మరోసారి ప్రజలు మోసపోవద్దు అన్నారు. కుసుకుంట్లను ఇంటికి పంపి,కేసీఆర్‌ను ఫాంహౌజ్‌కు పంపాలని రాజగోపాల్ రెడ్డి పిలుపునిచ్చారు. కోమటి రెడ్డి బ్రదర్స్ మాట ఇస్తే తప్పినట్లు చరిత్రలో లేదని, తమను నమ్ముకున్న వారిని ఎప్పుడూ మోసం చేయమన్నారు.ఆపదలో ఉన్నవారు అర్ధరాత్రి ఫోన్‌చేసినా తాము స్పందిస్తామని ప్రజలకు భరోసా ఇచ్చారు.

మరింత +
KCR Speech at TRS Praja Ashirvada Sabha in Jadcherla | Telangana Polls |

సభలలో చంద్రబాబును టార్గెట్ చేసిన కేసీఆర్

పాలమూరు జిల్లా జడ్చర్ల ఎన్నికల ప్రచార సభలో కేసీఆర్ పాల్గొన్నారు. నాలుగున్నరేళ్లలో టీఆర్ఎస్ ప్రజా సంక్షేమ పథకాలు ప్రవేశపెట్టిందనీ ఆయన అన్నారు. అయినా ప్రతిపక్ష పార్టీలు పని కట్టుకొని మరీ విమర్శలు చేస్తున్నాయని కేసీఆర్ మండిపడ్డారు.తమకు మరోసారి అవకాశం ఇస్తే రాష్ట్రాన్ని మరింత అభివృద్ధి చేస్తామని వెల్లడించారు. జడ్చర్ల టీఆర్ఎస్ అభ్యర్థి, మాజీ మంత్రి లక్ష్మారెడ్డిని లక్ష మెజార్టీతో గెలిపించాలని కేసీఆర్ పిలుపునిచ్చారు. ఎన్నికల ప్రచార సభల్లో వరుసగా చంద్రబాబును టార్గెట్ చేస్తున్నారు కేసీఆర్. జడ్చర్ల, దేవరకొండ సభలలోనూ అదే విధానాన్ని కొనసాగించారు. పాలమూరుకు నీళ్లు రానీయకుండా చంద్రబాబు అడ్డుకున్నారనీ ఇప్పుడు ఏ ముఖం పెట్టుకొని ఓట్లు అడుతారని కేసీఆర్ ప్రశ్నించారు. ఉమ్మడి పాలమూరు జిల్లాలో 20లక్షల ఎకరాలు సాగులోకి రావాలనీ ఉద్దండాపూర్ దగ్గర రిజర్వాయర్ పనులు త్వరలో ప్రారంభమవుతాయన్నారు.

మరింత +
Congress STAR Campaigner Kushboo Face to Face | Fires on KCR | Raj News

కేసీఆర్‌ను కడిగిపారేసిన ఖుష్భూ

కేసీఆర్ సర్కారుపై ఏఐసీసీ అధికార ప్రతినిధి ఖుష్బూ తీవ్ర స్థాయిలో విమర్శలు గుప్పించారు. నాలుగున్నరేళ్ల పాలనలో టీఆర్ఎస్ ఎలాంటి అభివృద్ధి చేయలేదంటూ ఆరోపించారు. రాష్ట్రంలో కేసీఆర్ కుటుంబం మాత్రమే అభివృద్ధి చెందిందని.. నలుగురి చేతిలోనే పాలన సాగిందంటూ మండిపడ్డారు. అవినీతిలో దేశంలోనే రెండో స్థానానికి తెలంగాణ రావడంలో కేసీఆర్ పాత్ర ఎంతో ఉందంటూ సెటైర్లు వేశారు. రానున్న ఎన్నికల్లో టీఆర్ఎస్‌కు ప్రజలు గుణపాఠం చెబుతారన్నారామె.

మరింత +
Dharna Chowk should be open for protests, Hyd HC tells Telangana govt

ధర్నా చౌక్‌కు కోర్టు గ్రీన్ సిగ్నల్‌: టీఆర్ఎస్ పతనం షురూ

తెలంగాణలో మళ్లీ స్వేచ్చా వాయువులు మొదలయ్యాయి. ధర్నా చౌక్ ఎత్తివేతను కొట్టేస్తూ కోర్టు ఉత్తరువులు జారీ చేసింది. దీంతో TRS పతనం మొదలైయ్యిందన్నారు తెలంగాణ జన సమితి అధ్యక్షులు కోదండరాం. కోర్టు తీర్పును ప్రజా విజయంగా అభివర్ణించాయి వివిధ ప్రజా సంఘాలు, పౌర హక్కుల నేతలు. ప్రజల ఆవేదనను నిరసన రూపంలో తెలియజేయడానికి ధర్నా చౌక్ ప్రజలకు ఎంతో ఉపయోగపడుతుందన్నారు.

మరింత +
KCR to Campaign 3 constituency per day, targets 100 meetings in 50days from November 6th

రోజుకు మూడు నియోజక వర్గాల్లో కేసీఆర్ ప్రచారం

ఎన్నికలు దగ్గరపడుతున్న తరుణంలో గులాబీ పార్టీ అధినేత కేసీఆర్ నియోజకవర్గాల వారీగా ప్రచారానికి రెఢీ అవుతున్నారు. గత ఎన్నికల తరహాలోనే ఈసారి వంద అసెంబ్లీ సెగ్మెంట్లలో ప్రచారానికి షెడ్యూల్‌ ప్లాన్ చేస్తున్నారు. తొలుత ఉమ్మడి జిల్లాల్లో భారీ బహిరంగ సభలను నిర్వహించి ఆ తర్వాత నియోజకవర్గాల వారీగా ప్రచార సభలు నిర్వహించాలని కేసీఆర్ నిర్ణయించారు. అయితే వరంగల్, ఖమ్మం, కరీంనగర్‌ ఉమ్మడి జిల్లాల్లో మాత్రమే ఈ బహిరంగ సభలు నిర్వహించాలని టీఆర్‌ఎస్‌ అధిష్టానం భావిస్తోంది. నిజానికి అక్టోబర్‌లోనే బహిరంగసభలను పూర్తి చేయాలని మొదట అనుకున్నా మహాకూటమిపై స్పష్టత రాకపోవడంతో వచ్చే వారానికి వీటి నిర్వహణ వాయిదా వేశారు. మూడు ఉమ్మడి జిల్లాల బహిరంగ సభల తేదీలను రెండుమూడు రోజుల్లో ప్రకటించే అవకాశం ఉంది. అనంతరం నియోజకవర్గాల వారీగా ప్రచార షెడ్యూల్‌ను కూడా విడుదల చేయనున్నారు. ఇక ప్రచారంలో భాగంగా టీఆర్‌ఎస్‌ అధినేత కేసీఆర్‌ ప్రతిరోజూ కనీసం మూడు అసెంబ్లీ నియోజకవర్గాల్లో పర్యటించనున్నారు. కొద్దిరోజుల పాటు రోజుకు నాలుగు అసెంబ్లీ సెగ్మెంట్లలో సైతం ప్రచారం చేసేలా షెడ్యూల్‌ ప్లాన్ చేసినట్టు తెలుస్తోంది. ప్రచార నిర్వహణ షెడ్యుల్ పై మంగళవారం ఉమ్మడి జిల్లాలు, నియోజకవర్గాల వారీగా కేసీఆర్‌ పలువురు పార్టీ ముఖ్యనేతలతో చర్చించారు. దశలవారీగా ప్రచారం నిర్వహించే నియోజకవర్గాల జాబితాను రూపొందించారు. మహాకూటమిని లక్ష్యంగా చేసుకోని చేయనున్న ఈ ప్రచారంలో స్థానికంగా ప్రజలను ఆకట్టుకునే అంశాలు ఉండాలని కేసీఆర్ భావిస్తున్నారు.

మరింత +
Raj News Comment: Raj News Special Report on Attack on YS Jagan

ప్రతిపక్ష నాయకుడి భద్రత.. పాలకులకు పట్టదా..?

ఒక్క దాడి... ఒకే ఒక్క దాడి... అందరిలోనూ ఉత్కంఠ కలిగిస్తోంది. ఆంధ్రప్రదేశ్ రాజకీయాల్ని కుదిపేస్తోంది. ఒక్కో పొలిటికల్ కామెంట్... హద్దులుదాటి అగ్గిరాజేస్తోంది. ఇంతకీ ప్రజల రక్షణ బాధ్యత... ప్రభుత్వానిది కాదా..? ప్రతిపక్ష నాయకుడి భద్రత... పాలకులకు పట్టదా..? తమ నాయకుడిపై జరిగే కుట్రను పసిగట్టడంలో వైసీపీ నాయకత్వం విఫలమైందా..? తప్పెవరిది..? నీచమైన కుట్రకు పాత్రదారి శ్రీనివాస రావు. మరి సూత్రదారులు ఎవరు..? జగన్‌పై దాడి వెనుక ఉన్నదెవరు..? వెంటాడుతున్న ప్రశ్నలపై రాజ్‌న్యూస్ కామెంట్.

మరింత +
BJP leader GVL Narasimha Rao fires on KCR for arresting Hindu Women at old city

పాతబస్తీని.. ఓవైసీకి రాసిచ్చాడా.. కేసీఆర్: GVL

సీఎం కేసీఆర్, ఎంపీ కవితపై బీజేపీ ఎంపీ జీవీఎల్ నరసింహారావు ఫైర్ అయ్యారు. బతుకమ్మ ఆడటానికి పాతబస్తీలో పర్మిషన్ తీసుకోవాలా అంటూ ప్రశ్నించారు. ఓల్డ్ సిటీ రాష్ట్రంలో భాగం కాదా.. ఓవైసీకీ ఏమైనా రాసిచ్చారా అంటూ నిలదీశారు. పోలీసులు వ్యవహరించిన తీరుపై విమర్శలు గుప్పించారు. ప్రజలకు కేసీఆర్, కవిత క్షమాపణ చెప్పాలని డిమాండ్ చేశారు.

మరింత +
Bank manager seeks sex for granting loan; beaten up by woman in full public view

కోరికతీర్చమన్న బ్యాంకుమేనేజర్‌కు మహిళ చెప్పుదెబ్బ

ఓ బ్యాంకు మేనేజర్‌ను మహిళ చెప్పుల‌తో చితకబాదింది. ఈ సంఘటన కర్ణాటకలోని దేవనాగరిలో సోమ‌వారం(అక్టోబ‌ర్ 15న) జ‌రిగింది. దేవనాగరికి చెందిన ఓ మహిళ లోన్ కోసం స్థానిక బ్యాంక్‌కు వెళ్లింది. అయితే లోన్ కావాలంటే తన కోరిక తీర్చాలని బ్యాంక్ మేనేజర్ డిమాండ్ చేశాడు. దీంతో కోపంతో ఊగిపోయిన సదరు మహిళ బ్యాంకు మేనేజర్‌ను నడి బజార్లోకి ఈడ్చుకొచ్చి కట్టెతో చితకబాదింది. అక్క‌డితో వ‌ద‌ల‌క‌ చెప్పుతో కొట్టి అత‌డికి బుద్ధి చెప్పింది. బ్యాంకు మేనేజర్‌ను మహిళ చితకబాదే వీడియో సామాజిక మాధ్యమాల్లో వైరల్ మారింది.

మరింత +
Hyderabad Metro Train stops at Balanagar Station over loss of power supply

ఆగిపోయిన హైదరాబాద్ మెట్రో రైలు

హైదరాబాద్‌లో సాంకేతిక లోపం తలెత్తండంతో మెట్రో రైలు నిలిచిపోయింది. మియాపూర్ నుంచి అమీర్ పేట వెళ్తున్న ట్రైన్ బాలానగర్ అంబేద్కర్ స్టేషన్లో ఆగిపోయింది. అయితే కరెంట్ సప్లై లేకే ట్రైన్ నిలిచిపోయిందని మెట్రో సిబ్బంది చెబుతున్నారు. కరెంట్ వైర్లు తెగిపోవడంతో ఈ సమస్య తలెత్తిందని మెట్రో ఎండీ ఎన్‌వీఎస్ రెడ్డి తెలియజేశారు. దీంతో మియాపూర్ నుంచి ఎర్రగడ్డ స్టేషన్ వరకు మెట్రో సేవలు నిలిచిపోయాయి. అయితే అసహనానికి గురైన ప్రయాణికులు గొడవకు దిగారు.

మరింత +
DK Aruna Reacts Strongly on KCR Comments in Palamuru TRS Meeting

'సంస్కారవంతంగా మాట్లాడటం నేర్చుకో కేసీఆర్'

పాలమూరు సభలో సీఎం కేసీఆర్ వ్యాఖ్యలపై కాంగ్రెస్ నేత డీకే అరుణ మండిపడ్డారు. ముందు సంస్కారవంతంగా మాట్లాడడం నేర్చుకోమని కేసీఆర్‌కు హితవు పలికారు. దమ్ముంటే నా బండారం ఏందో బయటపెట్టు అని సవాల్ విసిరారు. నువ్వు ఓ శక్తితో పెట్టుకున్నావ్ ఖబడ్దార్ అంటూ హెచ్చరించారు. పాలమూరు జిల్లాకు కేసీఆర్ ఏం చేశారని ప్రశ్నించారు. కేసీఆర్ బెదిరింపులకు భయపడేది లేదని స్పష్టం చేశారు.

మరింత +
If you vote KCR, he will cheat again says Congress Star Campaigner Vijaya Shanti

కేసీఆర్‌కు ఓటేస్తే మళ్లీ మోసపోతారు: విజయశాంతి

తెలంగాణలో ఎన్నికల ప్రచారాన్ని కాంగ్రెస్ పార్టీ శ్రీకారం చుట్టింది. ఉమ్మడి మహబూబ్‌నగర్ జిల్లాలో ఆ పార్టీ ఎన్నికల ప్రచారాన్ని ప్రారంభించారు. ఆలంపూర్‌లోని జోగులాంబ అమ్మవారి ఆలయంలో ప్రత్యేక పూజలు నిర్వహించారు. బాలబ్రహ్మేశ్వర స్వామి సన్నిధిలోనూ పూజలు చేశాక టీపీసీసీ ముఖ్యనేత ఎన్నికల శంఖారావం పూరించారు. అనంతరం కాంగ్రెస్ స్టార్ కాంపెయినర్ విజయ్ శాంతి ప్రజావేదిక మీద నుంచి ప్రసంగించింది. కేసీఆర్ కు మళ్లీ ఓటేస్తే మోసపోతారని తెలిపింది. 

మరింత +
7-Year-Old Kid Escapes Unhurt After Car Runs over his Body

కారు మీద పోయినా బాబు బతికాడు

ముంబయిలో ఓ యువతి నిర్లక్ష్యంగా కారు నడపడంతో ఓ బాలుడు గాయాలపాలయ్యాడు. రాత్రి సమయంలో చిన్నారులందరూ గల్లీలో ఫుట్‌బాల్ ఆడుతోన్న సమయంలో ఓ బాలుడు షూ లేస్‌ కట్టుకుంటూ కారు పక్కనే రోడ్డుపై కూర్చున్నాడు. అదే సమయంలో కారు ఎక్కిన యువతి ముందు చూసుకోకుండా కారును బాలుడి మీదకు పోనిచ్చింది. అదృష్టం కొద్ది బాలుడు కారు మధ్య భాగంలోకి జారాడు. కారు మీద నుంచి వెళ్లిన తరవాత లేచి ఏడుస్తూ బాలుడు స్నేహితుల దగ్గరకు పరుగులు పెట్టడం సమీపంలోనే ఉన్న సీసీటీవీ కెమెరాలో రికార్డయింది. బాలుడికి ప్రాణాపాయం ఏమీ లేకున్నా స్వల్ప గాయాలయ్యాయి.

మరింత +