జాతీయ వార్తలు

TIME's 100 most influential people is out: Mukesh Ambani is in the list

ముకేశ్‌ అంబానీకి అరుదైన గౌరవం

రిలయన్స్‌ ఇండస్ట్రీస్‌ ఛైర్మన్‌ ముకేశ్‌ అంబానీకి అరుదైనా గౌరవం దక్కింది. ప్రపంచవ్యాప్తంగా టైమ్స్ మ్యాగజైన్ ప్రతిష్టాత్మకంగా వెలువరించే వందమంది అత్యంత ప్రభావశీలుర జాబితాలో చోటు దక్కించుకున్నారు. భారత్ నుంచి ఎంపికైనా ఏకైక భారతీయ పారిశ్రామికవేత్తగా ముకేశ్‌ నిలిచారు. ప్రపంచవ్యాప్తంగా అత్యంత ప్రభావశీలురైన మార్గదర్శకులు, నాయకులు, దిగ్గజాలు, కళాకారులు, ఐకాన్లతో కూడిన 2019 జాబితాను టైమ్‌ మ్యాగజైన్‌ వెల్లడించింది. ‘ఎల్‌జీబీటీక్యూ’ల హక్కుల కోసం పోరాడిన న్యాయవాదులు అరుంధతి కట్జు, మేనక గురుస్వామి కూడా జాబితాలో చోటు దక్కించుకున్నారు. ఈ జాబితాలో అమెరికా కమెడియన్‌, టీవీ వ్యాఖ్యాత హసన్‌ మిన్హాజ్‌, అమెరికా అధ్యక్షుడు డొనాల్డ్‌ ట్రంప్‌, పోప్‌ ఫ్రాన్సిస్‌, చైనా అధ్యక్షుడు జిన్‌పింగ్‌, పాక్‌ ప్రధాని ఇమ్రాన్‌ఖాన్‌, ప్రముఖ గోల్ఫ్‌ క్రీడాకారుడు టైగర్‌వుడ్స్‌, ఫేస్‌బుక్‌ వ్యవస్థాపకుడు మార్క్‌ జుకర్‌బర్గ్‌ తదితరులు జాబితాలో ఉన్నారు.

మరింత +
Lok Sabha polls: 11 states, 1 UT to vote in second phase today

95 నియోజకవర్గాల్లో మొదలైన రెండోదశ పోలింగ్

సార్వత్రిక ఎన్నికల రెండో దశ పోలింగ్ కొనసాగుతోంది. దేశంలోని 11 రాష్ట్రాలు, ఒక కేంద్ర పాలిత ప్రాంతంలో ఉన్న 95 నియోజకవర్గాల్లో ఓటింగ్ జరుగుతోంది. ఉదయం 7 గంటలకు ప్రారంభమైన ఈ పోలింగ్‌ సాయంత్రం 5 గంటల వరకు కొనసాగనుంది. మావోయిస్టు ప్రభావిత ప్రాంతాల్లో 4 గంటలకే ముగియనుంది. మొత్తం 1,611 మంది అభ్యర్థులు ఎన్నికల బరిలో ఉన్నారు. 15.52 కోట్ల మంది ఓటర్లు ఓటింగ్‌లో పాల్గొననున్నారు. వీరిలో పురుష ఓటర్లు 7.89 కోట్లు, మహిళా ఓటర్లు 7.63 కోట్లు.  

తమిళనాడు-38, కర్ణాటక-14, మహారాష్ట్ర-10, ఉత్తరప్రదేశ్-8, అసోం, బిహార్, ఒడిశాల్లో 5 సీట్ల చొప్పున, ఛత్తీస్‌గఢ్, పశ్చిమ బెంగాల్‌లో 3 సీట్ల చొప్పున, జమ్ముకశ్మీర్‌లో 2 సీట్లు, మణిపూర్, పుదుచ్చేరిలో ఒక్కో సీటుకు పోలింగ్ జరుగుతుంది. దీంతో పాటు ఓడిశాలో 35 శాసనసభ స్థానాలకు, తమిళనాడులో ఖాళీగా ఉన్న 18 శాసనసభ స్థానాలకు, పుదుచ్చేరిలో ఒక శాసనసభ స్థానానికి పోలింగ్ జరుగుతోంది.  

తమిళనాడులోని వేలూరు నియోజకవర్గం ఎన్నిక రద్దవడం, త్రిపురలోని త్రిపుర-తూర్పు లోక్‌సభ స్థానం ఎన్నిక మూడో దశకు వాయిదా పడడంతో రెండు స్థానాలు తగ్గాయి. కేంద్ర మంత్రులు జితేంద్రసింగ్‌, జ్యుయల్‌ ఓరం, సదానందగౌడ, పొన్‌ రాధాకృష్ణన్‌, మాజీ ప్రధానమంత్రి దేవేగౌడ, డీఎంకే నేతలు దయానిధి మారన్‌, ఎ.రాజా, కనిమొళి తదితరులు రెండో దశలో బరిలో నిలిచిన ప్రముఖుల్లో ఉన్నారు.

మరింత +
SC stay on ban, government asks Apple and Google to take down TikTok app

టిక్‌ టాక్‌ యాప్‌ను ప్లేస్టోర్ల నుంచి తొలగించాలి

టిక్‌ టాక్‌ యాప్‌ను ప్లేస్టోర్ల నుంచి తొలగించాలని కేంద్ర ఎలక్ట్రానిక్స్‌ అండ్‌ ఇన్ఫర్మేషన్‌ టెక్నాలజీ మంత్రిత్వ శాఖ గూగుల్‌, యాపిల్‌ సంస్థలను ఆదేశించింది. చైనాకు చెందిన ఈ వీడియో షేరింగ్‌ యాప్‌పై సర్వత్రా అభ్యంతరం వ్యక్తం అవుతున్న విషయం తెలిసిందే. దీంతో దీన్ని నిషేధించేలా ఆదేశాలు జారీ చేయాలంటూ మదురైకి చెందిన సీనియర్‌ న్యాయవాది మద్రాసు హైకోర్టులో వ్యాజ్యం దాఖలు చేశారు. దీనిపై విచారణ చేపట్టిన న్యాయస్థానం టిక్‌టాక్‌పై నిషేధం విధించాలని కేంద్రాన్ని ఆదేశించింది. ఈ యాప్‌ ద్వారా రూపొందించిన వీడియోలను ప్రసారం చేయరాదని మీడియాకు సూచించింది. చిన్న పిల్లలు సైబర్‌ నేరగాళ్ల బారిన పడకుండా తీసుకోవాల్సిన చర్యలపై ఏప్రిల్‌ 16లోగా స్పందన తెలియజేయాలని కేంద్ర ప్రభుత్వానికి ఆదేశాలు జారీ చేసింది. కోర్టు తీర్పు మేరకు చర్యలకు ఉపక్రమించిన ప్రభుత్వం తాజా ఆదేశాలను జారీ చేసింది. 

మద్రాసు హైకోర్టు తీర్పుపై స్టే విధించాలంటూ టిక్‌ టాక్‌ సంస్థ సుప్రీం కోర్టును ఆశ్రయించింది. దీనిపై విచారణ చేపట్టిన కోర్టు స్టేకు నిరాకరించింది. దీనిపై తదుపరి విచారణను ఏప్రిల్‌ 22న జరుపుతామని తెలిపింది. థర్డ్‌ పార్టీ అప్‌లోడ్‌ చేసే వీడియోలకు తమల్ని బాధ్యులని చేయడం సబబు కాదని టిక్‌టాక్‌ వివరించినట్లు సమాచారం. యువతకు ఆకట్టుకునే ఫీచర్లతో మార్కెట్లోకి వచ్చిన ఈ యాప్‌ అనతి కాలంలోనే ఎంతో ఆదరణ పొందింది. దీని వల్ల పిల్లల్లో పెడధోరణులు పెరిగిపోతున్నాయని దేశవ్యాప్తంగా నిరసనలు వెల్లువెత్తుతున్న విషయం తెలిసిందే.

మరింత +
Priyanka Gandhi will pose strong challenge to PM Narendra Modi, says Robert Vadra

మోడీపై ప్రియాంక గాంధీ వారణాసిలో పోటీ!

లోక్ సభ ఎన్నికల్లో కాంగ్రెస్ జనరల్ సెక్రటరీ, తూర్పు యుపి ఇన్ ఛార్జి ప్రియాంక గాంధీ వాద్రా పోటీ చేస్తారనే ఊహాగానాలు వినిపిస్తున్నాయి. ప్రియాంక వాద్రా వారణాసిలో ప్రధానమంత్రి నరేంద్ర మోడీని ఢీ కొనబోతున్నారని అంచనా వేస్తున్నారు. ప్రియాంక గాంధీ వారణాసి నుంచి మోడీపై పోటీ చేసే అవకాశాలు ఉన్నట్టు ఆమె భర్త రాబర్ట్ వాద్రా సూచనప్రాయంగా తెలిపారు. ప్రియాంక వారణాసి నుంచి పోటీ చేసేందుకు సిద్ధంగా ఉన్నట్టు వాద్రా తెలిపారు. అయితే దీనిపై తుది నిర్ణయం పార్టీ తీసుకుంటుందన్నారు. తాము శాయశక్తులా కష్టపడి పనిచేస్తామని వాద్రా అన్నారు.  

ఎన్నికల ఏడో దశలో మే 19న వారణాసిలో పోలింగ్ జరుగుతుంది. ప్రధాని మోడీ ఏప్రిల్ 26న నామినేషన్ వేస్తారని అంటున్నారు. ప్రియాంక వాద్రా కూడా ఎన్నికల్లో పోటీ చేసేందుకు తన సన్నద్ధత వ్యక్తం చేశారు. కానీ దీనిపై తుది నిర్ణయం కాంగ్రెస్ అధ్యక్షుడు రాహుల్ గాంధీ, సోనియా గాంధీ తీసుకోవాల్సి ఉంది.  

ప్రియాంక గాంధీ వాద్రా తనను కాంగ్రెస్ జనరల్ సెక్రటరీ, తూర్పు యుపి ఇన్ ఛార్జిగా నియమించింది మొదలు ప్రత్యక్ష రాజకీయాల్లో పూర్తిస్థాయిలో చురుగ్గా వ్యవహరిస్తున్నారు. క్రమం తప్పకుండా ఉత్తరప్రదేశ్ లోని వివిధ ప్రాంతాల్లో ప్రచారం చేస్తున్నారు. కొన్ని రోజుల క్రితమే ఒక కార్యకర్త ఎన్నికల్లో పోటీ చేయాలని విజ్ఞప్తి చేస్తే మోడీపై పోటీ చేస్తానని ప్రియాంక జవాబు ఇచ్చారు.

మరింత +
Rahul in Kerala on Vishu day for two days' campaign

నేడు కేరళలో రాహుల్ ఎన్నికల ప్రచారం

కాంగ్రెస్‌ పార్టీ లోక్‌సభ ఎన్నికల ప్రచారం జోరుగా సాగుతోంది.ఇక పార్టీ అధ్యక్షుడు రాహుల్‌ గాంధీ ఇవాళ కేరళలో ఎన్నికల ప్రచారం నిర్వహించనున్నారు. ప్రచారంలో భాగంగా ఉదయం 10.45 గంటలకు వయనాడ్‌లో జరిగే ప్రచార బహిరంగ సభలో రాహుల్‌ ప్రసంగించనున్నారు. మధ్యాహ్నం 12.45 గంటలకు కాజికోట్‌లో, మధ్యాహ్నం 2 గంటలకు వండూర్‌లో రాహుల్‌ ఎన్నికల ప్రచారం నిర్వహించనున్నారు. మధ్యాహ్నం 3.30 గంటలకు పలక్కడ్‌లో నిర్వహించనున్న బహిరంగ సభలో రాహుల్ పాల్గొనున్నారు.

మరింత +
'Are You Aware Of Your Powers?': Top Court To Election Commission

కేంద్ర ఎన్నికల సంఘం తీరుపై సుప్రీం కోర్టు ఆగ్రహం

కేంద్ర ఎన్నికల సంఘం తీరుపై సుప్రీం కోర్టు తీవ్ర అభ్యంతరం తెలిపింది. ప్రవర్తనా నియామావళి ఉల్లంఘిస్తున్నా చర్యల తీసుకోలేకపోతున్నారని సుప్రీం అసంతృప్తిని వ్యక్తం చేసింది. ఈ సందర్భంగా మాయావతి, యోగీ వ్యాఖ్యలను సుప్రీం కోర్టు ప్రస్తావించింది. ఎన్నికల సంఘానికి అధికారాలు తక్కువగా ఉండడం కూడా ఓ కారణం కావచ్చని సుప్రీం అభిప్రాయపడింది. రేపు తమ ముందు హాజరై వివరణ ఇవ్వాలని ఈసీకి సుప్రీం ఆదేశించింది.

మరింత +
FIR filed against Azam Khan for objectionable remark against

జయప్రదపై నోరు పారేసుకున్న అజంఖాన్‌పై కేసు

ఉత్తర్‌ప్రదేశ్‌లోని సమాజ్‌వాదీ పార్టీ నాయకుడు, రాంపూర్ నియోజకవర్గ అభ్యర్థి ఆజంఖాన్ సంచలన వ్యాఖ్యలు చేశారు. బీజేపీ నాయకురాలు, సినీనటి జయప్రద యూపీ పీఎస్ లో కేసు ఫైల్ చేసింది. అజంఖాన్ తనపై తీవ్ర అభ్యంతరకర వ్యాఖ్యలు చేశారని ఆమె ఫిర్యాదు చేశారు. తన లోదుస్తులు ఫలాన రంగులో ఉన్నాయంటూ ఎన్నికల సభలో అనుచిత వ్యాఖ్యలు చేశారని అందులో పేర్కొంది. ఈ నేపథ్యంలో ఆజంఖాన్‌పై ఉత్తర్‌ప్రదేశ్ పోలీసులు ఎఫ్‌ఐఆర్ నమోదు చేసి దర్యాప్తు ప్రారంభించారు. ఆయనకు త్వరలోనే నోటీసులు పంపుతామని జాతీయ మహిళా కమిషన్ చైర్ పర్సన్ రేఖా శర్శ వెల్లడించారు. ఐతే తాను బీజేపీ అభ్యర్థి జయప్రదను ఉద్దేశించి ఎలాంటి అభ్యంతరకర వ్యాఖ్యలు చేయలేదని ఆజంఖాన్ తెలిపారు.

మరింత +
Chandrababu Meets Chief Election Commissioner at New Delhi today

సీఈసీతో సీఎం చంద్రబాబు భేటీ

ఏపీ ఎన్నికల తీరుపై ఢిల్లీలో ఎన్నికల అధికారి సునీల్ అరోరాతో.. టీడీపీ అధినేత చంద్రబాబునాయుడు భేటీ ముగిసింది. ఈ సందర్భంగా ఏపీలో పోలింగ్ తీరు, ఈవీఎంల వైఫల్యాలపై చంద్రబాబు ఫిర్యాదు చేశారు. పోలింగ్ తీరుపై సీఈసీకి 18 పేజీల లేఖను అందించారు. అయితే సీఈసీతో సమావేశం సంతృప్తినివ్వలేదని చంద్రబాబునాయుడు వెల్లడించారు.  

ప్రధాని నరేంద్ర మోడీ డైరక్షన్‌లో ఈసీ పనిచేస్తుందని టీడీపీ అధినేత చంద్రబాబునాయుడు ఆరోపించారు. జగన్ ఆస్తుల కేసులో నిందితుడైన సుబ్రహ్మణ్యంను సీఎస్‌గా నియమించారని విమర్శించారు. పోలింగ్ తీరుపై, ఈవీఎంల పనితీరుపై టీడీపీకే కాదు.. చాలా పార్టీలకు అనుమానాలున్నాయని అన్నారు. తన ఓటే ఎవరికి పడిందో తెలియదని, సామాన్యుల పరిస్థితి ఏంటో అర్థం కావడం లేదని ఆవేదన వ్యక్తం చేశారు. ఈసీ అధికార దుర్వినియోగం చేసిందని విమర్శించారు.  

రాష్ట్రంలో 7.5 లక్షల ఓటర్ల తొలగింపునకు ప్రయత్నాలు జరిగాయని చంద్రబాబునాయుడు ఆరోపించారు. ఢిల్లీకి వచ్చి ఈసీకి తమపై తప్పుడు ఫిర్యాదు చేసిన వైసీపీ నేతలు ఫామ్-7 ద్వారా ఈ ఓట్ల తొలగింపునకు పాల్పడ్డారని ఆరోపించారు. వీటిని అడ్డుకున్న తాము విచారణ జరిపేందుకు ప్రయత్నించగా, కేంద్ర ఎన్నికల సంఘం తమకు సహకరించలేదన్నారు. ఇలా ఏకపక్షంగా ఈసీ వ్యవహరించడం ప్రజాస్వామ్యానికి ప్రమాదకరమని హెచ్చరించారు.

మరింత +
Exit polls banned from April 11 to May 19: Telecast exit polls only after last phase says EC

మే 19వరకు నో ఎగ్జిట్‌పోల్స్‌

తొలిదశ ఎన్నికలు ముగిసిన రాష్ట్రాల్లో మే 19వరకు ఎగ్జిట్‌పోల్స్‌పై ఈసీ నిషేధం విధించింది. ఫలానా పార్టీ ఇన్ని సీట్లలో మెజారిటీ వస్తుందని ప్రచురించడంపై ఆంక్షలు ఉంటాయని స్పష్టం చేసింది. పత్రికలు, వార్త ఛానెళ్లతో పాటు ఎగ్జిట్‌ పోల్స్‌ ప్రకటించవద్దని కేంద్ర ఎన్నికల సంఘం ఆదేశాలు జారీ చేసింది. సీనియర్‌ ముఖ్య కార్యదర్శి కేఎఫ్‌ విల్‌ఫ్రెడ్‌ ఉత్తర్వులు జారీ చేశారు

మరింత +
'Do Not Drag The Army Into Politics' said Indian Former Army Chiefs

త్రివిధదళాలను రాజ‌కీయాలకు వాడుకోరాదు

మోడీ స‌ర్కార్‌పై మాజీ సైనికోద్యోగులు ఆగ్ర‌హం వ్య‌క్తం చేశారు. త్రివిధ ద‌ళా‌ల‌ను రాజ‌కీయ ప్ర‌యోజ‌నాల‌కు వాడుకోరాదని రాష్ట్ర‌ప‌తి రామ్‌నాథ్‌కు ర‌క్ష‌ణ‌శాఖ మాజీలు, ఉద్యోగులు లేఖ రాశారు. సుమారు 156 మంది మాజీ సైనికోద్యోగులు ఆ లేఖ‌లో సంత‌కం చేశారు. ఆ లేఖ‌లో సంత‌కం చేసిన వారిలో మాజీ ఆర్మీ, నేవీ, ఎయిర్‌ఫోర్స్ చీఫ్‌లు ఉన్నారు. మాజీ ఆర్మీ చీఫ్ జ‌న‌ర‌ల్ SF రోడ్రిగ్స్‌, జ‌న‌ర‌ల్ శంక‌ర్ రాయ్ చౌద‌రీ, జ‌న‌ర‌ల్ దీప‌క్ క‌పూర్‌తో న‌లుగురు మాజీ నేవీ చీఫ్‌లు ఉన్నారు. ఎయిర్‌ఫోర్స్ మాజీ చీఫ్ NC సురి కూడా ఆ లేఖ‌లో సంత‌కం చేసిన‌వారిలో ఉన్నారు. స‌రిహ‌ద్దు దాటి ఉగ్ర‌వాదులను మిలిట‌రీ చంపేస్తుంటే.. దాన్ని కొన్ని పార్టీలు రాజ‌కీయం చేస్తున్నాయ‌ని వారు ఆరోపించారు. ఇది అసంబ‌ద్ధ చ‌ర్య అని, రాజ‌కీయ ఎజెండా కోసం మిలిట‌రీని వాడ‌డం అమోద‌యోగ్యం కాద‌న్నారు.

మరింత +
India election 2019: Voting kicks off in world's largest election

త్రిపురలో 81.8 శాతం పోలింగ్, బిహార్‌లో 50 శాతం

ప్రపంచంలోనే అతిపెద్ద పోలింగ్‌ ప్రక్రియలో తొలిదశ చెదురమదురు ఘటనలు, పలు అవాంతరాలు, ఆరోపణల మధ్య పూర్తయింది. ఏడు దశల్లో జరిగే 2019 సార్వత్రిక ఎన్నికల్లో తొలి దశలో భాగంగా గురువారం దేశవ్యాప్తంగా 91 లోక్‌సభ నియోజక వర్గాల్లో పోలింగ్‌ జరిగింది. పలుచోట్ల ఈవీఎంలు మొరాయించగా, చాలాచోట్ల ఓటర్ల జాబితాలో తమ పేర్లు లేవంటూ పలువురు ఫిర్యాదు చేశారు. ఏపీలో ఎన్నికల ఘర్షణలో ఇద్దరు మృతి చెందగా, మహారాష్ట్ర, ఛత్తీస్‌గఢ్‌లలో నక్సల్స్‌ పేలుళ్లకు పాల్పడ్డారు. కొన్నిచోట్ల హింసాత్మక ఘర్షణలు మినహా ప్రశాంతంగానే పూర్తయినట్లు ఎన్నికల సంఘం తెలిపింది.

ఎన్నికల కమిషన్‌ సమాచారం ప్రకారం సాయంత్రం 5 గంటల వరకు త్రిపురలో అత్యధికంగా 81.8 శాతం, బిహార్‌లో అతి తక్కువగా 50 శాతం పోలింగ్‌ నమోదైంది. జమ్మూకశ్మీర్‌లో 54.49 శాతం, సిక్కింలో 69 శాతం, మిజోరంలో 60 శాతం, మణిపూర్‌లో 78.2 శాతం, అసోంలో 68 శాతం, నాగాలాండ్‌లో 78 శాతం, పశ్చిమ బెంగాల్‌లో 81 శాతం, ఒడిశాలో 68 శాతం, ఉత్తర్‌ప్రదేశ్‌లో 63.69 శాతం, మహారాష్ట్రలో 56 శాతం, అండమాన్‌ నికోబార్‌లో 56 శాతం, లక్షద్వీప్‌లో 66 శాతం, ఛత్తీస్‌గఢ్‌ బస్తర్‌లో 56 శాతం, అరుణాచల్‌ప్రదేశ్‌లో 66 శాతం పోలింగ్‌ నమోదైంది. మొత్తంగా దేశవ్యాప్తంగా ఓటింగ్‌ శాతాన్ని ఈసీ వెల్లడించలేదు.

ఒడిశాలోని మాల్కాన్‌గిరి జిల్లాలోని చిత్రకొండ, మథిలిల్లోని 15 పోలింగ్‌ కేంద్రాల్లో ఒక్క ఓటు కూడా పడలేదు. మావోయిస్టుల భయంతో ఈ పోలింగ్‌ కేంద్రాల పరిధిలోని ఓటర్లు తమ ఓటు హక్కును వినియోగించుకోలేదు. ఒడిశా కలాహండీ జిల్లా బెజీపదార్‌ గ్రామస్తులు గురువారం జరిగిన ఎన్నికలను బహిష్కరించారు. తమ గ్రామానికి రోడ్లు వంటి కనీస సదుపాయాలు కూడా లేవని దీంతో తాము ఓటింగ్‌ను బహిష్కరించామన్నారు.

ఇక తొలిదశ పోలింగ్‌లో పలుచోట్ల ఉద్రిక్త పరిస్థితులు ఏర్పడ్డాయి. మహారాష్ట్ర గడ్చిరోలి జిల్లా వఘేజరి ప్రాంతంలో ఓ పోలింగ్‌ బూత్‌ సమీపంలో నక్సలైట్లు ఐఈడీని పేల్చారు. అయితే ఈ ఘటనలో ఎవరూ గాయపడలేదు. ఆ తర్వాత ఇదే జిల్లా ఎటాపల్లిలో జరిగిన మరో పేలుడులో పోలింగ్‌ సిబ్బందికి రక్షణగా ఉన్న ఇద్దరు పోలీసు కమాండోలు గాయపడ్డారు. ఛత్తీస్‌గఢ్‌ బస్తర్‌ ప్రాంతంలోని నారాయణపూర్‌లో నక్సలైట్లు ఐఈడీ పేల్చారు. పశ్చిమ ఉత్తర్‌ప్రదేశ్‌ కైరానాలోని ఓ పోలింగ్‌ బూత్‌ వద్ద గుర్తింపు కార్డులు లేని కొంతమంది బలవంతంగా ఓటేసేందుకు యత్నించగా బీఎస్‌ఎఫ్‌ సిబ్బంది గాల్లోకి కాల్పులు జరిపారు.

జమ్మూకశ్మీర్‌లో పోలింగ్‌ హింసాత్మక ఘటనలు లేకుండా ప్రశాంతంగానే సాగింది. బీజేపీకి ఓటేసేలా భద్రతా సిబ్బంది ప్రజల్ని ఒత్తిడి చేశారని నేషనల్‌ కాన్ఫరెన్స్‌, పీడీపీ ఆరోపించాయి. జమ్మూ పూంఛ్‌ ప్రాంతంలోని కొన్నిచోట్ల ఈవీఎంలు సరిగా పని చేయలేదని, కాంగ్రెస్‌ మీట మొరాయించిందని ఆరోపించాయి. బీజేపీకి ఓటెయ్యనందుకు బీఎస్‌ఎఫ్‌ సిబ్బంది అతి ప్రవర్తనకు నిరసనగా బీజేపీ వ్యతిరేక నినాదాలు చేస్తున్న ఓటర్లకు సంబంధించిన వీడియోను పీడీపీ అధ్యక్షురాలు మెహబూబా ముఫ్తీ ట్వీట్‌ చేశారు.

మరింత +
Sonia Gandhi and Smriti Irani file nominations today, after Perform Puja Before Filing Nominations

రాయ్‌బరేలీలో సోనియా, అమేథీ నుంచి స్మృతి నామినేషన్

ఏఐసీసీ మాజీ అధ్యక్షురాలు సోనియాగాంధీ, బీజేపీ నాయకురాలు స్మృతి ఇరానీ ఇవాళ తమ నామినేషన్‌ పత్రాలను ఎన్నికల రిటర్నింగ్‌ అధికారికి అందజేశారు. సోనియాగాంధీ రాయ్‌బరేలీ నియోజకవర్గం నుంచి పోటీ చేస్తుండగా, స్మృతి ఇరానీ అమేథీ నుంచి బరిలో ఉన్నారు. సోనియా వెంట రాహుల్‌ గాంధీ, ప్రియాంక గాంధీ ఉన్నారు. ప్రధాని నరేంద్ర మోదీ తప్పుడు వాగ్దానాలు చేస్తున్నారని ఆయనకు ప్రజలే బుద్ధి చెప్తారని సోనియా పేర్కొన్నారు. 2004లో వాజపేయికి ఎదురైన పరాభవమే మోదీకి ఎదురవుతుందన్నారు సోనియా.

మరింత +
Lok Sabha Election 2019: Polling begins for Phase 1, PM Modi asks India to vote in large numbers

దేశవ్యాప్తంగా తొలిదశ పోలింగ్ షురూ

నేడు దేశ వ్యాప్తంగా తొలిదశ ఎన్నికల పోలింగ్ ఉదయం 7 గంటలకే మొదలైంది. తెలంగాణలోని 17 లోక్‌సభ, ఆంధ్రప్రదేశ్‌లోని 25, అసోంలో 5, బీహార్‌-4, ఛత్తీస్‌గఢ్‌-1, జమ్మూకాశ్మీర్‌-2, మహారాష్ట్ర-7, మణిపూర్‌-1, మేఘాలయ-2, మిజోరం-1, నాగాలాండ్‌-1, ఒడిషా-4, సిక్కిం-1, త్రిపుర-1, ఉత్తర్‌ప్రదేశ్‌-8, ఉత్తరాఖండ్‌-5, పశ్చిమబెంగాల్‌-2, లక్షద్వీప్‌-1, అండమాన్‌ నికోబార్‌ దీవులు-1, అరుణాచల్‌ప్రదేశ్‌-2 స్థానాలకు పోలింగ్‌ జరుగుతోంది. వీటితోపాటు ఆంధ్రప్రదేశ్‌లోని 175 అసెంబ్లీ స్థానాలు, సిక్కిం, ఒడిషాల్లోని 32, 28 అసెంబ్లీ స్థానాలకు కూడా ఇదే దశలో పోలింగ్‌ జరుగుతుంది. 

తొలి దశ ఎన్నికల్లో 1,279 మంది అభ్యర్థులు తమ అదృష్టాన్ని పరీక్షించుకోనుండగా… ఇందులో 1,187 మంది పురుషులు, 92 మంది మహిళా అభ్యర్థులు ఉన్నారు. మొదటి విడత ఎన్నికల్లో 14 కోట్ల 20 లక్షల 54 వేల మంది ఓటర్లు తమ ఓటు హక్కును వినియోగించుకోనున్నారు. ఓటు హక్కును వినియోగించుకునేందుకు తొలి విడతలో 1 లక్ష 70 వేల పోలింగ్ బూత్‌ లను ఈసీ ఏర్పాటు చేసింది. ఈ ఎన్నికల్లో 7 వేల 7 వందల 64 మంది థర్డ్ జెండర్లు తమ ఓటు హక్కును వినియోగించుకోనున్నారు. నక్సల్స్‌ ప్రభావిత ప్రాంతాలైన ఛత్తీస్‌‌గఢ్‌, మహారాష్ట్రాలలోని లోక్‌ సభ స్థానాలకు ఓటింగ్ సమయాన్ని 3 గంటల వరకే ఈసీ నిర్ణయించింది. జమ్మూకశ్మీర్‌‌లోని బారాముల్లా, జమ్మూ పార్లమెంటు స్థానాలకు కూడా పోలింగ్ జరుగుతోంది.

మరింత +
SC agrees to hear review pleas, rejects Centre’s objections to relying on leaked files

కేంద్రం అభ్యంతరాలను తోసిపుచ్చిన సుప్రీం కోర్టు

రాఫెల్ డీల్‌ కేసుపై సుప్రీం కోర్టులో కేంద్ర ప్రభుత్వానికి ఎదురు దెబ్బ తగిలింది. కేంద్రం లేవనెత్తిన అభ్యంతరాలను సుప్రీం తోసిపుచ్చింది. రాఫెల్ కేసులో రివ్యూ పిటిషన్లను తోసిపుచ్చాలన్న.. కేంద్ర ప్రభుత్వం అభ్యర్థనను కొట్టివేసింది. రివ్యూ పిటిషన్లపై విచారణ చేపట్టుతామని ధర్మాసనం స్పష్టం చేసింది. పిటిషనర్లు దాఖలు చేసిన పత్రాల మెరిట్ ఆధారంగా విచారణ చేపట్టనున్నట్లు తెలిపింది. త్వరలో విచారణ తేదీలను వెల్లడించనున్నట్లు ప్రకటించింది.

మరింత +
All set for 17th Lok Sabha Elections First Phase poll tomorrow

17వ లోక్‌సభ ఎన్నికల పోలింగ్‌కు సర్వం సిద్ధం

దేశంలో 17వ లోక్‌సభ ఎన్నికల పోలింగ్‌కు సర్వం సిద్ధం అయింది. రేపు తొలివిడత ఎన్నికల పోలింగ్ జరుగనుంది. 18 రాష్ట్రాలు, రెండు కేంద్ర పాలిత ప్రాంతాల్లోని లోక్‌ సభ స్థానాలకు మొదటి విడత ఎన్నికలు జరుగనున్నాయి. దేశంలోని 91 పార్లమెంటు స్థానాలకు పోలింగ్ జరుగనుంది. అరుణాచల్‌ ప్రదేశ్‌‌లోని 2, అసోంలోని 5, బీహార్ లోని 4, చత్తీస్‌ గఢ్‌లోని 1, జమ్మూకశ్మీర్‌ లోని 2, మహారాష్ట్రలోని 7, మణిపూర్‌ లోని 1, మేఘాలయలోని 2, మిజోరంలోని 1, నాగాలండ్‌ లోని 1, ఒడిశాలోని 4, సిక్కింలోని 1, త్రిపురలోని 1, ఉత్తరప్రదేశ్‌ లోని 8, ఉత్తరాఖండ్‌ లోని 5, పశ్చిమ బెంగాల్‌ లోని 2, అండమాన్ నికోబార్‌, లక్షద్వీప్‌లలోని ఒక్కో స్థానానికి తొలిదశలో ఎన్నికలు జరుగనున్నాయి. తొలి దశ ఎన్నికల్లో 1,280 మంది తమ అదృష్టాన్ని పరిక్షించుకోనున్నారు. ఇందులో 1,188 మంది పురుషులు, 92 మంది మహిళా అభ్యర్థులు ఉన్నారు. దాదాపు నెలరోజులుగా దేశంలోని రాజకీయ పార్టీల నేతలంతా తొలివిడత ఎన్నికలు జరిగే రాష్ట్రాల్లో విస్తృత ప్రచారం చేశారు.

మరింత +