జాతీయ వార్తలు

Chhattisgarh elections: 47.18% voter turnout recorded till 3 pm

ఛత్తీస్‌గఢ్‌లో తొలిదశ పోలింగ్ ముగిసింది

ఛత్తీస్ గఢ్ లోని పది నియోజకవర్గాల్లో తొలిదశ పోలింగ్ ముగిసింది. మావోయిస్టుల ప్రాబల్యం అధికంగా ఉన్న ఈ పది నియోజకవర్గాల్లో మధ్యాహ్నం మూడు గంటలకు పోలింగ్ ముగిసింది. మిగతా ఎనిమిది నియోజకవర్గాల్లో సాయంత్రం ఐదు గంటల వరకు పోలింగ్ కొనసాగింది. ఈరోజు మధ్యాహ్నం 3.30 గంటల వరకు 47.86 శాతం పోలింగ్ నమోదైంది. కాగా, ఛత్తీస్ గఢ్ లోని 8 జిల్లాల్లో 18 స్థానాలకు తొలి దశ పోలింగ్ ఉదయం ప్రారంభమైంది. భారీ బందోబస్తు ఏర్పాటు చేశారు. ఛత్తీస్ గఢ్ లో మొత్తం 90 నియోజకవర్గాలు ఉన్నాయి. నేడు బీజాపూర్‌, నారాయణ్‌పూర్‌, కాంకేర్‌, బస్తార్‌, సుక్మా, రాజనందగావ్‌, దంతెవాడ జిల్లాలోని 18 నియోజకవర్గాలకు పోలింగ్ జరిగింది.

మరింత +
Congress to announce candidates list on November 13

ఢిల్లీలో కాంగ్రెస్ స్క్రీనింగ్ కమిటీ భేటీ

వార్ రూమ్‌లో కాంగ్రెస్ స్క్రీనింగ్ కమిటీ సమావేశం జరగనుంది. ఈ మేరకు కాంగ్రెస్ సీనియర్ నాయకులు కాంగ్రెస్ నేతలు ఢిల్లీ చేరుకున్నారు. ఈ సమావేశంలో సీపీఐ డిమాండ్ చేస్తున్న సీట్లపై, 20 స్థానాల్లో అభ్యర్థుల ఖరారుపై చర్చించనున్నారు. టికెట్ల కోసం గాంధీ భవన్‌లో ఆశావాహులు ఆందోళన చేస్తున్న నేపథ్యంలో ఢిల్లీలో అభ్యర్థుల ప్రకటన చేయాలని కాంగ్రెస్ అధిష్టానం భావిస్తోంది. కూటమిలోని పార్టీల మధ్య సీట్ల సర్దుబాటు ఇంకా కొలిక్కి రాకపోవడంతో ఈరోజు జరగాల్సిన కాంగ్రెస్ కేంద్ర ఎన్నికల కమిటీ సమావేశం మరింత ఆలస్యమయ్యే అవకాశం ఉంది. పీసీసీ చీఫ్, కుంతియాలు మధ్యాహ్నం 12 గంటలకు రాహుల్ గాంధీతో భేటీ కానున్నారు. మహాకూటమి పార్టీల మధ్య సీట్ల సర్దుబాటు ఇంకా కొలిక్కి రాకపోవడంపై రాహుల్ అసహనం వ్యక్తం చేస్తున్నట్టు తెలుస్తోంది. రెండు రోజులపాటు మహాకూటమిలోని పార్టీలతో జరిపిన చర్చల వివరాలు రాహుల్‌కు వివరించనున్నారు. టీడీపీకి 14 స్థానాలు ఎక్కడెక్కడ కేటాయించింది, జనసమితి 8 స్థానాల్లో ఎక్కడెక్కడ పోటీ చేయనున్నది, సీపీఐ స్థానాల వివరాలు తెలియజేయనున్నారు.

మరింత +
Chhattisgarh Assembly Elections Phase 1: Voting underway on 18 seats; IED blast in Dantewada

తొలిదశ:ఛత్తీస్‌గఢ్‌ అసెంబ్లీ ఎన్నికల పోలింగ్ షురూ

ఛత్తీస్‌గఢ్‌లో తొలి దశ అసెంబ్లీ ఎన్నికల పోలింగ్ కొనసాగుతోంది. ఆయా ప్రాంతాల్లో ప్రజలు తమ ఓటు వేసేందుకు పోలింగ్ కేంద్రాల వద్దకు చేరుకున్నారు. అయితే ఇందులో మావోయిస్టు ప్రభావిత ప్రాంతాలు అధికంగా ఉండడంతో, మావోయిస్టుల హెచ్చరికల నేపథ్యంలో ఈ సారి దాదాపు లక్ష మంది భద్రతా బలగాలను మోహరింపజేశారు.  
10 మావోయిస్టు ప్రభావిత ప్రాంతాల్లో ఎన్నికలు..
మొత్తం 90 స్థానాలున్న శాసనసభలో మొదటిదశలో బీజాపూర్‌, నారాయణ్‌పూర్‌, కాంకేర్‌, బస్తార్‌, సుక్మా, రాజనందగావ్‌, దంతెవాడ జిల్లాలోని 18 నియోజకవర్గాలకు ఎన్నికలు జరుగుతున్నాయి. ఇందులో పది మావోయిస్టు ప్రభావిత ప్రాంతాల్లో మధ్యాహ్నం 3 గంటలకు పోలింగ్‌ ముగియనుంది. మిగతా ప్రాంతాల్లో సాయంత్రం 5 గంటల వరకూ పోలింగ్‌ జరగనుంది. 32 లక్షల ఓటర్ల కోసం మొత్తం 4 వేల 3 వందల 36 పోలింగ్‌ కేంద్రాలను ఏర్పాటు చేశారు. రెండో దశలో 72 స్థానాలకు ఎన్నికలు నవంబరు 20న జరుగుతాయి.  
డ్రోన్ కెమెరాలతో నిఘా..
ఎన్నికలను బహీష్కరించాలంటూ మావోయిస్టుల హెచ్చరికల నేపథ్యంలో ఛత్తీష్‌గఢ్‌కు కేంద్ర పారా మిలిటరీ దళంతో పాటు దాదాపు లక్ష మంది భద్రతా సిబ్బంది చేరుకున్నారు. ఇందులో 650 కంపెనీలకు చెందిన 65 వేల మంది భద్రతా సిబ్బంది కూడా ఉన్నారు. సీఆర్‌పీఎఫ్‌, బీఎస్‌ఎఫ్‌, ఇండో-టిబెటన్‌ సరిహద్దు పోలీసులుతో పాటు ఇతర దళాలకు చెందిన భద్రతా బలగాలను మోహరించారు. ఈ ఎన్నికల అవసరాల దృష్ట్యా భారతీయ నావికా దళ చాపర్లను కూడా వినియోగిస్తున్నారు. పోలింగ్ బూత్‌ల వైపునకు వెళ్లే అన్ని రోడ్డు మార్గాల్లో ప్రత్యేక దృష్టి పెట్టారు. పది రోజుల్లో బస్తర్‌, రాజ్‌నంద్‌గావ్‌ జిల్లాల్లో జరిపిన సోదాల్లో 300 ఐఈడీలు లభ్యమయ్యాయి. ఈ ఎన్నికల్లో తొలిసారిగా డ్రోన్ కెమెరాలను ఉపయోగిస్తున్నారు.  
అభ్యర్థుల్లో 72 శాతం మంది కోటీశ్వరులే..
కాగా ఛత్తీస్‌గఢ్‌లో పోటీ చేయనున్న అభ్యర్థుల్లో కోటీశ్వరుల సంఖ్య అధికంగానే ఉంది. అసోసియేషన్‌ ఆఫ్‌ డెమోక్రటిక్ రిఫార్మ్స్‌ సంస్థ తెలిపిన వివరాల ప్రకారం ఆ రాష్ట్రంలోని బీజేపీ, కాంగ్రెస్ పార్టీలు తొలి దశ ఎన్నికల కోసం ప్రకటించిన అభ్యర్థుల్లో 72 శాతం మంది కోటీశ్వరులే ఉన్నారు. అంటే ఆ రెండు పార్టీల నుంచి 13 మంది చొప్పున అభ్యర్థులకు కోటికి మించిన ఆస్తులు ఉన్నాయి. ఈ ఎన్నికల్లో పోటీ చేయనున్న వారిలో అజిత్‌ జోగి పార్టీ జనతా కాంగ్రెస్‌ ఛత్తీస్‌గఢ్‌కి చెందిన దేవ్‌వ్రత్‌ సింగ్‌ అత్యధిక ధనవంతుడిగా ఉన్నారు. ఆయనకు ఉన్న మొత్తం 119.55 కోట్లు ఉన్నట్టు సమాచారం.  
మొదటి ముగ్గురు ధనవంతుల్లో ఛత్తీస్‌గఢ్‌ సీఎం..
అత్యధిక ధనవంతులైన మొదటి ముగ్గురు అభ్యర్థుల్లో ఛత్తీస్‌గఢ్‌ ముఖ్యమంత్రి రమణ్‌ సింగ్ ఉన్నారు. ఆయనకు 10 కోట్ల లక్షల ఆస్తి ఉంది. ఆయన రాజ్‌నందగావ్‌ నుంచి పోటీ చేస్తున్నారు. జేసీసీలోనూ నలుగురు కోటీశ్వరులున్నారు. తొలిదశలో పోటీ చేస్తున్న బహుజన్‌ సమాజ్‌ పార్టీ అభ్యర్థుల్లో ఇద్దరు కోటీశ్వరులున్నారని తెలిపింది. మొత్తానికి తొలిదశలో పోటీ చేస్తున్న 187 అభ్యర్థులను పరిశీలిస్తే వారిలో 42 మంది కోటీశ్వరులే ఉన్నారు.

మరింత +
Union Minister AnanthKumar passed away

కేంద్రమంత్రి అనంతకుమార్ ఇకలేరు

కేంద్రమంత్రి అనంతకుమార్ అనారోగ్యంతో కన్నుమూశారు. బెంగళూర్‌లోని ఓ ప్రైవేట్‌ ఆస్పత్రిలో చికిత్సపొందుతూ అనంతకుమార్ మృతి చెందారు. 22 జూలై 1959లో జన్మించిన ఆయన...1996లో తొలి సారి లోక్‌ సభకు ఎన్నికయ్యారు. అనంత కుమార్ మొత్తం ఆరుసార్లు ఎంపీగా బెంగుళూరు సౌత్ నుంచి పోటీ చేసి పార్లమెంటుకు ఎన్నికయ్యారు. అనంత్ కుమార్ 2014 నుంచి పార్లమెంటరీ వ్యవహారాలు, అలాగే ఎరువులు, రసాయనాల శాఖ కేంద్ర మంత్రిగా వ్యవహరిస్తున్నారు. విద్యార్థి దశలోనే ఆర్ఎస్ఎస్ వైపు ఆకర్షితుడైన అనంత్ కుమార్ స్టూడెంట్ వింగ్‌లో పనిచేశారు. ఎమర్జన్సీ సమయంలో విద్యార్థి ఉద్యమకారులతో పాటు జైలు పాలయ్యారు అనంత్ కుమార్. ఏబీవీపీ స్టేట్ సెక్రటరీగా, జాతీయ కార్యదర్శిగానూ పనిచేశారు. అనంతరం బీజేపీలో చేరిన అనంత్ కుమార్ భారతీయ జనతా యువ మోర్చ రాష్ట్ర అధ్యక్షుడిగా నామినేట్ అయ్యారు. వాజ్ పేయ్ హయాంలో కేంద్ర విమానయాన శాఖ మంత్రిగా పనిచేసిన అనంత్ కుమార్.. అప్పట్లో కేబినేట్ లో పిన్న వయస్కుడిగా రికార్డుకెక్కారు. 2004లో బీజేపీ నేషనల్ జనరల్ సెక్రటరీగా నియమితులైన ఆయన .. మధ్యప్రదేశ్, బీహార్, ఛత్తీస్ గఢ్ ఇతర రాష్ట్రాల్లో పార్టీ బలోపేతానికి కృషి చేశారు.

మరింత +
EC ban exit polls over 5 States elections from November 12

ఎగ్జిట్ పోల్స్‌పై ఎన్నికల సంఘం నిషేధం

ఐదు రాష్ట్రాల ఎన్నికలకు సంబంధించిన ఎగ్జిట్ పోల్స్‌పై ఎన్నికల సంఘం నిషేధం విధించింది. ఈనెల 12వ తేదీన చత్తీస్‌గఢ్‌లో మొదటి దశ పోలింగ్ జరగనుంది. మిగతా రాష్ట్రాలకు దశల వారీగా పోలింగ్ జరగనుంది. రాజస్థాన్, తెలంగాణ శాసనసభలకు వచ్చేనెల ఏడో తేదీన జరిగే ఎన్నికలతో ఐదు రాష్ట్రాల పోలింగ్ ముగియనుంది. రాజస్థాన్, తెలంగాణ అసెంబ్లీ ఎన్నికల కోసం సోమవారం నోటిఫికేషన్ విడుదల కానుంది. ఈ నేపథ్యంలో ఎగ్జిట్ పోల్స్ పై ఈసీ నిషేధం విధించింది. 12వ తేదీ ఉదయం ఏడు గంటల నుంచి డిసెంబర్‌ ఏడో తేదీ సాయంత్రం 5.30 గంటల వరకు ఎగ్జిట్ పోల్స్ పై నిషేధిస్తూ ఎన్నికల సంఘం నోటిఫికేషన్ జారీ చేసింది.

మరింత +
Why Not Build Something?' Akhilesh Yadav Targets UP Govt Over Renaming of Lucknow Stadium

లక్నో క్రికెట్‌ స్టేడియం పేరు వాజ్‌పేయిగా మార్పు

యూపీలోని లక్నో క్రికెట్‌ స్టేడియం పేరు మార్చడంపై ప్రతిపక్షాలు తీవ్రంగా మండిపడుతున్నాయి. యూపీ మాజీ సీఎం అఖిలేష్‌ యాదవ్‌ హయాంలో రూపుదిద్దుకున్న ఇకానా అంతర్జాతీయ స్టేడియం పేరును దివంగత ‘భారత రత్న అటల్‌ బిహారీ వాజ్‌పేయీ అంతర్జాతీయ స్టేడియం’గా మార్చడంపై అఖిలేష్‌ ఆగ్రహం వ్యక్తం చేశారు. నగరాల, స్డేడియాల పేర్లు మార్చడం తప్ప బీజేపీ ప్రభుత్వం కొత్తగా చేసిందేమీ లేదని ఆయన విమర్శించారు. పాత వాటికి కొత్త పేర్లు పెట్టి యోగి సంతోషిస్తున్నారని వాజ్‌పేయీ పేరు మీదుగా రాష్ట్రంలో ఒక్క నిర్మాణం కూడా బీజేపీ ప్రభుత్వం చేపట్టలేకపోయిందని మండిపడ్డారు. ప్రస్తుతం ఉన్న స్టేడియంకు పాతపేరునే కొనసాగించి వాజ్‌పేయీ పేరుతో మరో నూతన స్టేడియంను నిర్మించాలని సూచించారు.

మరింత +
South Korea First Lady Praises Taj Mahal's Beauty, Architechture On Visit

తాజ్ మహల్‌ను సందర్శించిన కిమ్ జంగ్ సూక్

దక్షిణ కొరియా ప్రథమ మహిళ కిమ్ జంగ్ సూక్ తాజ్ మహల్‌ను సందర్శించారు. ఆమె వెంట ఉత్తర ప్రదేశ్ మంత్రులు శ్రీకాంత్ శర్మ, రీటా బహుగుణలతో పాటు మరికొంత మంది ఉన్నారు. తను తన బృందం కలిసి తాజ్ వద్ద ఫొటోలు తీసుకున్నారు. తాజ్ పరిసరాల్లో కిమ్ సరదాగా గడిపారు. యూపీ సందర్శనలో భాగంగా సీఎం యోగి ఆదిత్యనాథ్ నిర్వహించిన ఓ కార్యక్రమంలో పాల్గొని సందడి చేశారు కిమ్ జంగ్. అనంతరం ప్రపంచంలోని 8 వింతల్లో ఒకటైన  తాజ్‌ మహల్ ను సందర్శించింది. రెండ్రోజులపాటు భారత్ లోని యూపీలో పర్యటించిన ఆమె చివరి రోజు షాజహాన్.. తన ప్రియురాలు ముంతాజ్ ప్రేమకు చిహ్నంగా కట్టించిన తాజ్ ను సందర్శించుకుంది. తాజ్ మహల్ అందాన్ని, అద్భుత కట్టడాన్ని మెచ్చుకుంది కిమ్ జంగ్.

మరింత +
PM To Unveil Sardar Patel's 2,900-Crores Statue Of Unity Today

ఉక్కు మనిషికి ప్రపంచంలోనే అతి ఎత్తైన విగ్రహం

భారతావనిలో 562 సంస్థానాలను విలీనం చేసిన కార్యదక్షుడు. ఆయన వజ్ర సంకల్పం, మొక్కవోని ధైర్యం, చెక్కుచెదరని నిర్ణయం.. వీటన్నింటివల్లా అఖండ భారతావని నేడు ఏకరూపంలో నిలిచి ఉంది. ఆయనే సర్దార్‌ వల్లభ్‌భాయ్‌ పటేల్‌. ఆయన పేరు చరిత్రలో ఎప్పటికీ నిలిచిపోయేలా చేసే ఘట్టం నేడు ఆసన్నమవుతోంది. ప్రపంచంలోనే అతి ఎత్తైన విగ్రహం సర్దర్ వల్లభ్ భాయ్ పటేల్ రూపంలో ఆవిష్కృతంకానుంది. 
ద స్టాచ్యూ ఆఫ్ యూనిటీ..
నర్మదా నది నడిబొడ్డున స్టాచ్యూ ఆఫ్ యూనిటీ పేరుతో పటేల్‌ విగ్రహాన్ని అత్యాధునిక పద్ధతుల్లో నిర్మించారు. దీని ఎత్తు 182 మీట్లరు. దీని నిర్మాణానికి 2,989 కోట్ల రూపాయలు ఖర్చయ్యింది. ప్రాజెక్టు మొత్తం పరిధి 19 వేల 700 చదరపు మీటర్లు. నిర్మాణంలో 1700 టన్నుల కాంస్యం, ఒక లక్ష 80 వేల క్యూబిక్‌ మీటర్ల సిమెంటు, 18 వేల 500 టన్నుల స్టీల్‌ కాంక్రీట్‌లో కలిపి, 6500 టన్నుల స్టీల్‌ విడిగా స్ట్రక్చర్‌ కోసం వాడారు. ఒక మనిషి 5.6 అడుగులు ఉన్నాడనుకుంటే అలాంటి 100 మంది వ్యక్తులను నిలువుగా ఒకరిపై ఒకరిని నిలిపితే ఎంత ఎత్తు ఉంటారో అంత ఎత్తున విగ్రహం ఉంటుంది.
విగ్రహం చాతి వరకు వెళ్లి రావచ్చు..
ఇక విగ్రహం ఛాతీ వరకూ రెండు లిఫ్ట్‌ల్లో సందర్శకులు వెళ్లవచ్చు. ఆ ప్రాంతంలో ఒకేసారి 200 మంది నిలుచుని పరిసరాలను వీక్షించవచ్చు.  విగ్రహం గంటకు 180 కిలోమీటర్ల వేగంతో వచ్చే గాలులను తట్టుకోగలదు. 6.5 తీవ్రతతో వచ్చే భూకంపాలనూ తట్టుకుని నిలవగలదు. విగ్రహాన్ని చేరుకోవడానికి రెండు మార్గాలు ఉంటాయి. 320 మీటర్ల పొడవైన వంతెన లేదంటే పడవల్లోనూ చేరుకోవచ్చు.  3 వేల మంది కార్మికులు, 300 మంది ఇంజినీర్లు ఈ నిర్మాణం కోసం పని చేశారు.
టూరిస్టు స్పాట్ గా..
మొత్తం 3వేల పటేల్‌ ఫొటోలను పరిశీలించి విగ్రహానికి రూపునిచ్చారు. 1949లో తీసిన ఫొటో ప్రధాన పాత్ర వహించింది. పర్యాటకుల విడిది, విశ్రాంతి, ఆహారం కోసం శ్రేష్ఠ భారత్‌ భవన్‌, పటేల్‌ జీవిత విశేషాలతో మ్యూజియం, పరిశోధనా కేంద్రం ఏర్పాటవుతున్నాయి.  లేజర్‌ సౌండ్‌, లైట్‌ షో కూడా ఏర్పాటు చేస్తున్నారు. పరిశోధనా కేంద్రంలో వ్యవసాయాభివృద్ధి ప్రణాళికలు, నీటి నిర్వహణ, గిరిజనుల అభివృద్ధిపై పరిశోధనలు జరుగుతాయి.

మరింత +
Sardar Patel Jayanti: President Kovind, PM Modi, politicos pay tribute to Iron Man of India on Rashtriya Ekta Divas

సర్దార్‌ వల్లభాయ్‌ పటేల్ సమాధికి పలువురు నివాళులు

స్వతంత్ర భారత తొలి ఉప ప్రధాని, ఉక్కు మనిషి సర్దార్‌ వల్లభాయ్‌ పటేల్ 143వ జయంతి వేడుకులను దేశవ్యాప్తంగా ఘనంగా నిర్వహిస్తున్నారు. ఢిల్లీలోని సర్దార్‌ పటేల్ సమాధి వద్ద రాష్ట్రపతి రామ్‌నాథ్‌, ఉపరాష్ట్రపతి వెంకయ్య, రాజ్‌నాథ్‌ సింగ్ నివాళులు అర్పించారు. ఇటు దేశవ్యాప్తంగా రన్ ఫర్ యూనిటీ పేరుతో ఐక్యతా పరుగు నిర్వహించారు. ఢిల్లీలో రన్ ఫర్ యునిటీ ని కేంద్రహోంమంత్రి రాజ్‌నాథ్ సింగ్ జెండా ఊపి ప్రారంభించారు. దాదాపు 15వేల మంది ఈ యూనిటీ రన్ లో పాల్గొన్నారు.

మరింత +
Rs 20,000 withdrawal limit for SBI customers effective from tomorrow

ఎస్‌బీఐ ఏటీఎం విత్‌డ్రా పరిమితి సగానికి తగ్గింపు

స్టేట్‌ బ్యాంక్‌ ఆఫ్‌ ఇండియా రోజువారీ ఏటీఎం విత్‌డ్రా పరిమితిని సగానికి సగం తగ్గించేసింది. ప్రస్తుతం ఈ పరిమితి 40 వేల రూపాయలు ఉండగా దీనిని బుధవారం నుంచి 20 వేలకు తగ్గిస్తున్నట్లు ఒక ప్రకటనలో తెలియజేసింది. నిజానికి ఎస్‌బీఐ ఈ నెల మొదట్లోనే ఈ నిర్ణయాన్ని ప్రకటించినా అక్టోబర్‌ 31 నుంచీ అమల్లోకి వస్తుందని అప్పట్లోనే తెలిపింది. మోసపూరిత లావాదేవీలు పెరిగిపోతుండటంతో, కస్టమర్ల ప్రయోజనాల పరిరక్షణ లక్ష్యంగా ఈ నిర్ణయం తీసుకున్నట్లు బ్యాంక్‌ ప్రకటించింది. తాజా నిర్ణయం వల్ల ఏటీఎంల ద్వారా ఒకేరోజు పెద్ద మొత్తంలో నిధుల విత్‌డ్రా చేయడానికి అవకాశం ఉండదు. 20 వేల కంటే మించి విత్‌డ్రాయల్స్‌ కావాలనుకునేవారు మరో కార్డు కోసం దరఖాస్తు చేసుకోవచ్చని ఎస్‌బీఐ అధికారులు తెలిపారు.

మరింత +
True face of Naxals exposed: DD scribe, 2 CRPF jawans killed in Maoist attack in Chhattisgarh ahead of polls

మందుపాతర పేలి 2 జవాన్లు, కెమెరామెన్ మృతి

ఛత్తీస్ గఢ్ లో మావోయిస్టులు మరో దాడికి పాల్పాడ్డారు. ఈ దాడిలో దూరదర్శన్ కెమెరామెన్ తో పాటు ఇద్దరు జవాన్లు చనిపోయారు. నవంబర్ 12, 20 తేదీల్లో ఛత్తీస్‌గఢ్ శాసనసభ ఎన్నికలు జరగనున్న నేపథ్యంలో రిపోర్టింగ్ కోసం దూరదర్శన్ సిబ్బంది అక్కడ పర్యటిస్తోంది. దంతెవాడలో ఎన్నికల కవరేజ్ కోసం దూరదర్శన్ టీం వెళ్లింది. అయితే దంతెవాడ జిల్లాలోని అరన్‌పూర్ అటవీ ప్రాంతంలో మావోయిస్టులు దాడికి పాల్పడ్డారు. మూడు రోజుల క్రితమే మావోయిస్టులు అమర్చిన మందుపాతర పేలి నలుగురు జవాన్లు చనిపోయారు. మరో ఇద్దరు తీవ్రంగా గాయపడ్డారు. ఈ ఘటన మరవక ముందే మావోయిస్టులు మరోసారి దాడికి పాల్పడ్డారు. నిన్ననే ఛత్తీస్ గఢ్ లో ఎన్నికల ప్రచారానికి వచ్చిన కేంద్ర న్యాయశాఖ మంత్రి రవి శంకర్ ప్రసాద్ మావోయిస్టు ప్రభావిత ప్రాంతాలు చాలా వరకు తగ్గాయని తెలిపారు. ఆయన ఈ వ్యాఖ్యలు చేసి ఒక రోజు గడవక ముందే మావోయిస్టులు తమ ఉనికిని చాటుకున్నారు.

మరింత +
Delhi Air Pitiable, Says Top Court, Orders Action Against Old Vehicles

15 ఏళ్ల కిందటి పెట్రోల్, డీజిల్ వాహనాలు బంద్

దేశ రాజధాని ఢిల్లీలో కాలుష్య తీవ్రతను తగ్గించేందుకు సుప్రీం కోర్టు చొరవ తీసుకుంది. జాతీయ రాజధాని ప్రాంతంలో 15 ఏళ్ల కిందటి పెట్రోల్‌ వాహనాలు, పదేళ్ల కిందటి డీజిల్‌ వాహనాల రాకపోకలను నిషేదించింది. రాజధాని రోడ్లపై ఈ వాహనాలు తిరిగితే స్వాధీనం చేసుకోవాలని రవాణా శాఖను సుప్రీం కోర్టు ఆదేశించింది. ఢిల్లీలో ప్రస్తుత కాలుష్య తీవ్రతకు ఈ నిర్ణయం అనివార్యమని కోర్టు స్పష్టం చేసింది. కాలుష్య నియంత్రణ మం‍డలి, రవాణా శాఖ వెబ్‌సైట్‌లలో ఈ వాహనాల జాబితాను ప్రకటించాలని పేర్కొంది. పౌరులు కాలుష్యంపై ఫిర్యాదు చేసేందుకు అనుగుణంగా కాలుష్య నియంత్రణ మండలి తక్షణమే సోషల్‌ మీడియలో ఖాతాను అందుబాటులోకి తీసుకురావాలని సూచించింది. గతంలో దేశ రాజధానిలో పాత వాహనాల రాకపోకలను నేషనల్‌ గ్రీన్‌ ట్రిబ్యునల్‌ సైతం నిషేధించింది.

మరింత +
Train 18 launched: India's first engine-less train all set to replace the cult Shatabdi Express, shifted Chennai to New Delhi for trial

ఢిల్లీకి చేరిన ఇంజిన్‌రహిత రైలు

తమిళనాడు రాజధాని చెన్నైలోని ఐసీఎఫ్‌లో అధునాతన హంగులతో తయారైన ఇంజిన్‌రహిత రైలు ట్రైన్‌-18ను ఢిల్లీకి తరలించారు. సంస్థ జనరల్‌ మేనేజరు సుధాన్ష్‌ మణి, ఇతర ఉన్నతాధికారుల సమక్షంలో స్థానిక ఫర్నిషింగ్‌ విభాగంలో ఈ కార్యక్రమం ఏర్పాటైంది. ముఖ్య అతిథిగా పాల్గొన్న రైల్వే బోర్డు ఛైర్మన్‌ అశ్విన్‌ లొహానీ జెండా ఊపి రైలును సాగనంపారు. 16 కోచ్‌లతో కూడిన ఈ రైలులో పలు అత్యాధునిక సౌకర్యాలు ఏర్పాటు చేశారు.

మరింత +
Supreme Court gives green signal to divide AP High Court

హైకోర్టు విభజనకు సుప్రీం కోర్టు గ్రీన్ సిగ్నల్

హైకోర్టు విభజనకు సుప్రీంకోర్టు సానుకూలత వ్యక్తం చేసింది. డిసెంబర్ 15 తర్వాత నోటిఫికేషన్ విడుదల చేసేందుకు ఉత్తర్వులు జారీ చేస్తామని ధర్మాసనం తెలిపింది. విభజన జరగకుండా కొత్త జడ్జీల నియామకం జరిగితే మళ్లీ సమస్యలు తలెత్తుతాయని, వీలైనంత త్వరగా విభజన పూర్తైతే మంచిదని జస్టీస్ ఏకే సిక్రి అభిప్రాయపడ్డారు. డిసెంబర్ 15 నాటికి అమరావతిలో తాత్కాలిక కోర్టు భవన నిర్మాణం పూర్తవుతుందని ఏపీ ప్రభుత్వం అఫిడవిట్ దాఖలు చేసింది. అలాగే 2019 మార్చి, ఏప్రిల్ నాటికి స్టాఫ్ క్వార్టర్స్, జడ్జీలు నివాసాలు నిర్మిస్తామని తెలియజేసింది.

మరింత +
Ayodhya verdict: Supreme Court may hear pleas against 2010 Allahabad HC ruling today

అయోధ్య కేసుపై నేటి నుంచి విచారణ ప్రారంభం

నేటి నుంచి అయోధ్య కేసుపై రోజువారీ విచారణ చేపట్టనుంది సుప్రీం కోర్టు. అయోధ్యలో రామజన్మభూమి-బాబ్రీ మసీదు ప్రాంతంలో వివాదాస్పద 2.77 ఎకరాల భూమిని పంచుతూ 2010లో అలహాబాద్‌ హైకోర్టు తీర్పు ఇచ్చిన సంగతి తెలిసిందే. ఈ తీర్పును సవాలు చేస్తూ దాఖలైన పిటిషన్లపై నేటి నుంచి వాదప్రతివాదనలు జరగనున్నాయి. సుప్రీంకోర్టు ప్రధాన న్యాయమూర్తి జస్టిస్‌ రంజన్‌ గొగోయ్‌, న్యాయమూర్తులు జస్టిస్‌ సంజయ్‌ కిషన్‌ కౌల్‌, జస్టిస్‌ కె.ఎం జోసెఫ్ తో కూడిన బెంచ్‌ ముందుకు ఈ కేసు విచారణకు రానున్నది. సుప్రీంకోర్టు ప్రధాన న్యాయమూర్తి జస్టిస్‌ గొగోయ్‌ కేసులను చాలా వేగంగా పరిష్కరించేందుకు ప్రాధాన్యతనిస్తారని, ఏ కేసునూ పెండింగ్‌లో ఉంచడాన్ని ఆయన అంగీకరించబోరని న్యాయవర్గాలు అంటున్నాయి. అందుకే సుప్రీం త్వరలోనే ఈ కేసును పరిష్కరించే అవకాశాలున్నాయని దాని రాజకీయ పర్యవసానాలు అధికార పార్టీకి ప్రయోజనం చేకూర్చే అవకాశం ఉందని విశ్లేషణలు వినిపిస్తున్నాయి. అయోధ్య కేసుపై విచారణ ప్రారంభం కానున్న నేపథ్యంలో యూపీ సీఎం యోగి ఆదిత్యనాథ్‌ దీనిపై స్పందించారు. శబరిమల ఆలయంలోకి మహిళల ప్రవేశంపై తీర్పు ఇచ్చిన సుప్రీంకోర్టు రామమందిరం విషయంలో కూడా వీలైనంత త్వరగా తీర్పు ఇవ్వాలని, వివక్ష ఉండకూడదని అన్నారు. రామజన్మభూమి రాజకీయాలకు సంబంధించిన అంశం కాదని మతవిశ్వాసాలకు సంబంధించిందని పేర్కొన్నారు.

మరింత +