అంతర్జాతీయం వార్తలు

China grows the first plants on the Moon

చంద్రుడిపై తొలిసారి పత్తి విత్తనం మొలక

చైనా దేశం మరో అద్భుతం సృష్టించింది. చందమామపై తొలిసారి మొక్కను మొలకెత్తించింది. ఇందులో చాలా విత్తనాలు విఫలమైనప్పటికీ పత్తి వితనం మాత్రం మొలకెత్తింది. దీంతో చంద్రుడిపై పంటలు పండించి మనుష్యులకు అనుకూలమైన వాతావరణాన్ని అభివృద్ధి చేయాలన్న శాస్త్రవేత్తల ప్రయత్నం ఫలించింది. ఇటీవల చైనా చంద్రుడి ఆవలి భాగంపైకి చేంజ్ 4 ప్రోబ్‌ను పంపిన విషయం తెలిసిందే. అందులో కొన్ని రకాల విత్తనాలను ఓ కంటైనర్ లో పెట్టి అమర్చారు. ఇది చంద్రుడి ఆవలి భాగంపై దిగిన తర్వాత ఈ విత్తనాలను అక్కడ వదిలేసింది. ఇందుకు సంబంధించిన ఫొటోలను ప్రోబ్ పంపడంతో శాస్త్రవేత్తల ఆనందానికి అవధుల్లేకుండా పోయింది. చంద్రుడిపై పత్తి విత్తనం మొలకెత్తడం అద్భుతమని చైనాలోని చాంగ్‌కింగ్ యూనివర్సిటీకి చెందిన శాస్త్రవేత్తలు అన్నారు. ఇక అంతరిక్షంలోకి వెళ్లే వ్యోమగాములు తమకు కావాల్సిన ఆహారాన్ని అక్కడే పండించుకొనేందుకు వీలు కలిగిందన్నారు.

మరింత +
Nairobi attack: At least 11 dead in hotel complex, as evacuations continue

కెన్యాలోని నైరోబీలో హోటల్‌‌పై ఆత్మాహుతి దాడి

కెన్యా రాజధాని నైరోబీలో ఉగ్రవాదులు రెచ్చిపోయారు. ఓ హోటల్‌లో ఆత్మాహుతి దాడికి పాల్పడ్డారు. ఈ ఘటనలో 15 మృతి చెందగా.. పలువురు గాయపడినట్లు సమాచారం. మ‌ృతుల సంఖ్య పెరిగే అవకాశం ఉన్నట్లు అధికారులు తెలిపారు. దాడి సమాచారం అందుకున్న వెంటనే హోటల్‌ కాంప్లెక్స్‌ను భద్రతాబలగాలు తమ ఆధీనంలోకి తీసుకున్నాయి. విదేశీయులు అధికంగా ఉండే హోటల్‌ను ఉగ్రవాదులు లక్ష్యంగా చేసుకున్నారని అధికారులు తెలిపారు. ఈ ఘటనకు తామే బాధ్యులమని సోమాలియా ఉగ్రవాద సంస్థ ‘అల్‌-షబాబ్‌’ ప్రకటించుకుంది.

మరింత +
Federal shutdown is impacting everyday American life, jobs, vacations

మూడు వారాలుగా అమెరికా ప్రభుత్వం షట్‌డౌన్

గత కొద్ది రోజులుగా అమెరికాలోని ట్రంప్ ప్రభుత్వం తీవ్ర అడ్డంకులను ఎదుర్కొంటుంది. ముఖ్యంగా సెనెట్‌లో బిల్లులు ప్రవేశపెట్టే సమయాల్లో డెమోక్రాట్ల నుంచి తీవ్ర నిరసన ఎదురవుతుంది. ఇటీవల కాలంలో ట్రంప్ దుందుడుకు తనం, వలసలపై తీసుకుంటోన్న కఠిన నిర్ణయాలు వెరసి సభలో గందరగోళ పరిస్థితులు నెలకొంటున్నాయి. ఈ పరిస్థితుల్లో 5.7 బిలియన్ డాలర్ల ఖర్చుతే మెక్సికో సరిహద్దులో గోడను నిర్మించాలనే ట్రంప్ ప్రతిపాదనను డెమోక్రాట్లు వ్యతిరేకించారు. ఈ ఆందోళనల మధ్య సభలో ప్రవేశపెట్టిన వినియోగ బిల్లు వీగిపోయింది. ఫలితంగా ప్రభుత్వం షట్‌డౌన్ అయ్యింది.  

అమెరికాలో వినియోగ బిల్లులు ఆమోదం పొందాలంటే ఉభయసభల అంగీకారం తప్పనిసరి. మొదటగా ఈ బిల్లులను 100 మంది సభ్యులు గల సెనెట్‌లో ప్రవేశపెడతారు. బిల్లు ఆమోదం పొందాలంటే 60 ఓట్లు రావాలి. అధ్యక్షుడు దానిపై సంతకం చేయాలి. కానీ బిల్లు ప్రవేశపెట్టిన సమయాన అధికార, విపక్షాల మధ్య మాటల యుద్దం తారాస్థాయికి చేరుకుంది. ట్రంప్ సరిహద్దు గోడ నిర్ణయాన్ని ప్రతిపాదించగా వలసల రక్షణ చట్టాన్ని రూపొందించాలని డెమోక్రాట్లు డిమాండ్ చేశారు. ఈ నేపథ్యంలో వినియోగ బిల్లు ఆమోదం పొందలేకపోయింది. ఫలితంగా ప్రభుత్వ కార్యకలాపాలను నిర్వహించేందుకు నిధులు కరువయ్యాయి. షట్‌డౌన్ కారణంగా గత డిసెంబర్ 21 అర్ధరాత్రి నుంచి నిధులు నిలిచిపోయాయి. 9 ఫెడరల్ డిపార్ట్‌మెంట్‌ల సేవలు నిలిచిపోయాయి. జాతీయ పార్క్ లు మూతపడ్డాయి. వలస కోర్టులు సస్పెండ్ అయ్యాయి. వైజ్ఞానిక పరిశోధనలు నిలిచిపోయాయి.  

2013 లో బరాక్ ఒబామా నేతృత్వంలోని డెమోక్రాట్ల ప్రభుత్వాన్ని కూడా రిపబ్లికన్లు 16 రోజులు షట్ డౌన్ చేశారు. ఆరోగ్య సంబంధమైన బిల్లును విజయవంతం చేయడంలో డెమోక్రాట్లు విఫలమయ్యారు. నేడు రిపబ్లికన్ ప్రభుత్వాన్ని డెమోక్రాట్లు నిలిపివేశారు. వలసలపై కఠిన నిర్ణయాలను ఎత్తివేయాలని ఆందోళన చేస్తున్నారు. వలసల రక్షణ చట్టాన్ని తీసుకురావాలని డిమాండ్ చేస్తున్నారు.  

షట్‌డౌన్ మూడవ వారం కూడా కొనసాగుతోంది. ఒకవేళ ఈ షట్‌డౌన్ గనక వారంతం దాకా కొనసాగినట్లయితే దీర్ఘకాల షట్‌డౌన్‌గా రికార్డులకు ఎక్కనుంది. ఇదిలావుంటే సోమవారం టాక్స్ రీఫండ్స్ చెల్లించాలని ఇంటర్నల్ రెవెన్యూ సర్వీసెస్ వారికి వైట్‌హౌజ్ ఆదేశాలు జారిచేసింది. దీని ప్రభావంతో ప్రభుత్వ కార్యకలాపాలతో పాటు సంక్షేమ పథకాలు కూడా నిలిచేపోయే ప్రమాదం ఉంది. జాతీయ ఆహార సహాయ పథకం అమలుకు జనవరి చివరి వరకే నిధులు ఉన్నాయి. ఫిబ్రవరిలో నిధులు విడుదల కాకపోతే ఆ పథకం నిలిచిపోతుంది. మరోవైపు 8 లక్షల ఫెడరల్ ఉద్యోగులు వేతనాలు అందక నిరాశకు లోనవుతున్నారు. షట్‌డౌన్‌ను వ్యతిరేకిస్తూ పర్యావరణ రక్షణ సంస్థ నేషనల్ సిక్ డే నిర్వహించటానికి సన్నద్ధమవుతుంది. ఎయిర్ పోర్టుల వద్ద నిరసన తెలుపడానికి రవాణా భద్రత ఉద్యోగుల మద్దతును కోరుతోంది.  

యూఎస్ కాంగ్రెస్, వైట్‌హౌజ్‌ల మధ్య భిన్న అభిప్రాయాలు నెలకొనడమో ఈ ప్రతిష్టంభకు మూలకారణంగా తెలుస్తుంది. అమెరికా, మెక్సికో దేశాల మధ్య గోడ నిర్మించాలని ట్రంప్ డిమాండ్‌తోనే ఈ ప్రతిష్టంభనకు బీజం పడింది. అమెరికన్లు ప్రభుత్వం, ట్రంప్ పై విశ్వాసం వ్యక్తం చేస్తున్నారు. అయినప్పటికీ చాలా మంది మెక్సికో గోడ నిర్మాణ ప్రతిపాదనను వ్యతిరేకిస్తున్నారు. ఇదిలావుండగా, పిట్ట గోడ అంశంలో డెమోక్రాట్లు వ్యతిరేకత వలన ప్రభుత్వాన్ని షట్‌డౌన్ చేస్తున్నందుకు గర్వంగా ఉందని గత డిసెంబర్‌లో ట్రంప్ వెల్లడించింది తెలిసిందే.  

ఈ ప్రతిష్టంభన వలన పరిపాలన సంబంధమైన కార్యకలాపాలు నిలిచిపోతాయి. సంక్షేమ పథకాల అమలుకు ఆటంకాలు ఏర్పడతాయి. ఉద్యోగులు నిరాశకు గురవుతారు. ఆరోగ్య, బీమా రంగాలు స్తంభించిపోతాయి. వ్యవస్థ అస్తవ్యస్తంగా తయారవుతుంది. ఇలా జరగకూడదు అంటే తక్షణమే సెనెట్ లో జాతీయ భద్రత గురించి చర్చ జరగాలి. స్పష్టమైన నిర్ణయాలు తీసుకోవాలి. అదీ సాధ్యం కాకపోతే పరిస్థితి చినభిన్నం అయ్యే పరిస్థితి ఉంది. ట్రంప్ మంగళవారం నేషనల్ ఎమర్జెన్సీ విధించే అవకాశాల కోసం ప్రసంగించారు. అదే గనక జరిగితే ట్రంప్ జాతీయ సంక్షోభం ప్రకటిస్తారు. అప్పుడు మెక్సికో సరిహద్దు గోడ నిర్మాణానికి కాంగ్రెస్ ఆమోదం అవసరం ఉండదు. నేరుగా గోడ నిర్మాణం చేపట్టవచ్చు.

మరింత +
World Bank chief Jim Yong Kim resigns abruptly

ప్రపంచ బ్యాంక్‌ అధ్యక్ష పదవికి జిమ్‌ రాజీనామా

ప్రపంచ బ్యాంక్‌ అధ్యక్షుడు జిమ్‌ యాంగ్‌ కిమ్‌ తన పదవికి రాజీనామా చేశారు. పదవీ కాలానికి మూడేళ్లు ముందే ఆయన తన పదవికి రాజీనామా చేయడం గమనార్హం. ఫిబ్రవరి 1వ తేదీ నుంచి అధ్యక్షుడి బాధ్యతల నుంచి తప్పకుంటున్నట్లు దక్షిణ కొరియాకు చెందిన కిమ్‌ వెల్లడించారు. ప్రపంచ సంస్థకు అధ్యక్షుడిగా ఉండటం ఎంతో గౌరవంగా భావిస్తున్నానని, పేదరికం నిర్మూలన కోసం ఎంతో కృషి చేసినట్లు కిమ్‌ తెలిపారు. ప్రపంచ వ్యాప్తంగా పేదరికం పెరుగుతున్న దశలో ప్రపంచ బ్యాంక్‌ సేవలు ఎంతో అవసరమని ఆయన అన్నారు. కిమ్‌ ప్రపంచ బ్యాంక్‌ అధ్యక్షుడిగా 2012లో తొలిసారి బాధ్యతలు స్వీరించారు. 2017లో రెండోసారి ఎన్నికైన కిమ్‌ పదవీ కాలం 2022 వరకు ఉంది. కాగా, ప్రపంచ బ్యాంకు ప్రస్తుత సిఇఒ క్రిస్టాలినా జార్జియేవా ఆయన స్థానంలో తాత్కాలిక అధ్యక్షురాలిగా వచ్చే నెల ఒకటో తేదీ నుంచి బాధ్యతలను స్వీకరించనున్నట్లు సమాచారం.

మరింత +
North Korea's Kim arrives in Beijing for meeting with Chinese president

చైనా పర్యటనలో ఉత్త‌ర కొరియా అధ్యక్షుడు కిమ్

ఉత్త‌ర కొరియా అధ్యక్షుడు కిమ్ జాంగ్ ఉన్‌ మ‌రోసారి చైనాలో ప‌ర్య‌టిస్తున్నారు. చైనా అధ్య‌క్షుడు జీ జింగ్‌పింగ్ ఆహ్వానం మేర‌కు కిమ్ ఇవాళ బీజింగ్ చేరుకున్నారు. ఈనెల 10వ తేదీ వ‌ర‌కు కిమ్ అక్క‌డే ఉండ‌నున్నారు. అమెరికా అధ్య‌క్షుడు డోనాల్డ్ ట్రంప్‌తో రెండో ద‌ఫా చ‌ర్చ‌లు జరుగుతాయ‌న్న ఊహాగానాల నేప‌థ్యంలో కిమ్ చైనాకు వెళ్లిన‌ట్లు తెలుస్తోంది. గ‌త ఏడాది జూన్‌లో ట్రంప్‌, కిమ్‌లు భేటీ అయ్యారు. త‌న గ్రీన్ ట్రెయిన్‌లోనే కిమ్ .. చైనాకు వెళ్లిన‌ట్లు తెలుస్తోంది. కేవ‌లం ఏడాది కాలంలోనే కిమ్ నాలుగు సార్లు చైనాకు వెళ్లారు.

మరింత +
In Phone Call, PM Modi, Russia's Putin Vow To Boost Counter-Terrorism Cooperation

మోడీకి రష్యా అధ్యక్షుడు పుతిన్ ఫోన్ కాల్

ప్రధాని నరేంద్ర మోదీకి రష్యా అధ్యక్షుడు వ్లాదిమిర్ పుతిన్ ఫోన్ చేసి మాట్లాడారు. వీరిద్దరూ పలు ద్వైపాక్షిక, అంతర్జాతీయ అంశాలపై చర్చించినట్టు భారత విదేశాంగ శాఖ ఓ ప్రకటనలో వెల్లడించింది. ప్రధానంగా రక్షణరంగం, ఉగ్రవాద నిర్మూలన తదితర అంశాలపై వీరిమధ్య చర్చ సాగిందని తెలిపింది. ఐక్యరాజ్యసమితి, బ్రిక్స్ వంటి ప్రపంచ వేదికలపై పరస్పర సహకారాన్ని కొనసాగించాలని ఇరు దేశాధినేతలూ నిర్ణయించారని వెల్లడించింది. రష్యాలో సెప్టెంబర్ లో జరగనున్న ఈస్ట్రన్ ఎకనామిక్ ఫోరమ్ సదస్సుకు హాజరు కావాలని కోరేందుకు పుతిన్ ఫోన్ చేసినట్టు తెలుస్తోంది. సదస్సుకు హాజరుకావాలన్న పుతిన్ విజ్ఞప్తిపై నరేంద్ర మోదీ సానుకూలంగా స్పందించారని విదేశాంగ శాఖ అధికారి ఒకరు పేర్కొన్నారు.

మరింత +
Deconstructing the Wall: Teaching About the Symbolism, Politics and Reality of the US-Mexico Border

అమెరికా–మెక్సికో బార్డర్‌లో స్టీల్ గోడ!

అమెరికా–మెక్సికో సరిహద్దులో గోడ నిర్మాణంపై అగ్రరాజ్యం అధ్యక్షుడు డొనాల్డ్‌ ట్రంప్‌ మెత్తబడ్డారు. అక్రమ వలసదారుల్ని అడ్డుకునేందుకు సరిహద్దులో కాంక్రీట్‌ గోడ బదులు స్టీల్‌తో గోడ నిర్మాణాన్ని చేపట్టాలని నిర్ణయించారు. అక్రమవలసదారుల కారణంగా దేశ ఆర్థిక వ్యవస్థకు తీవ్రంగా నష్టం జరుగుతోందన్నారు.గోడ కారణంగా అక్రమ వలసలతో పాటు మాదకద్రవ్యాల సరఫరాను అడ్డుకోవచ్చనీ, తద్వారా నేరాలు తగ్గుముఖం పడతాయని వెల్లడించారు.

మరింత +
Can't endure 41-hour flight to India: PNB Scam accused Mehul Choksi writes to court

భారత్‌కు రానంటున్న పీఎన్‌బీ స్క్యామ్ నిందితుడు మెహుల్ ఛోక్సీ

బ్యాంకింగ్‌ రంగంలోనే సంచలనం సృష్టించిన పంజాబ్‌ నేషనల్‌ బ్యాంక్ కుంభకోణం కేసులో ప్రధాన నిందితుల్లో ఒకరైన మెహుల్‌ ఛోక్సీని స్వదేశానికి రప్పించేందుకు దర్యాప్తు సంస్థలు విస్తృత ప్రయత్నాలు చేస్తున్నాయి. అయితే తాను మాత్రం భారత్‌కు వచ్చే ప్రసక్తే లేదని ఛోక్సీ పదే పదే చెబుతున్నారు. తాజాగా న్యాయస్థానానికి రాసిన లేఖలోనూ ఛోక్సీ ఈ విషయాన్ని ప్రస్తావించారు. ఆరోగ్య కారణాల రీత్యా ప్రయాణం చేయలేనని, అందుకే భారత్‌కు‌ రాలేనని చెప్పడం గమనార్హం. పీఎన్‌బీ కుంభకోణం కేసులో ఛోక్సీని ఆర్థిక నేరగాడిగా ప్రకటించాలని ఈడీ ప్రత్యేక కోర్టులో పిటిషన్‌ దాఖలు చేసింది. అయితే ఈ పిటిషన్‌ను కొట్టివేయాలంటూ ఛోక్సీ న్యాయస్థానానికి లేఖ రాశారు. రుణాల సమస్యను పరిష్కరించుకునేందుకు పంజాబ్‌ నేషనల్‌ బ్యాంకుతో తాను సంప్రదింపులు జరుపుతున్నట్లు తెలిపారు. అయితే ఈ విషయాన్ని కోర్టుకు చెప్పకుండా ఈడీ కేసును తప్పుదోవ పట్టిస్తోందని ఆరోపించారు. ఈ సందర్భంగా యాంటిగ్వా నుంచి భారత్‌కు వచ్చేందుకు 41 గంటల విమాన ప్రయాణాన్ని తాను భరించలేనని, అందుకు తన ఆరోగ్యం కూడా సహకరించదని ఛోక్సీ లేఖలో పేర్కొన్నారు.

మరింత +
Ousted Pak PM Nawaz Sharif Gets 7-Year Prison Term In Corruption Case

పాక్ మాజీ ప్రధాని నవాజ్ షరీఫ్‌‌కు ఏడేళ్ళ జైలు శిక్ష

పాకిస్థాన్ మాజీ ప్రధాని నవాజ్ షరీఫ్‌‌కు ఏడేళ్ళు జైలు శిక్ష పడింది. అల్ అజీజియా మిల్స్ స్కాంలో నవాజ్ షరీఫ్ హస్తం ఉన్నట్లు పాక్ సుప్రీం కోర్టు నిర్థారించింది. అలాగే కోర్టు షరీఫ్‌కు 2.5 మిలియన్ డాలర్ల జరిమాన కూడా  విధించింది. పాకిస్థాన్ కు మూడు టెర్మ్ లు పీఎంగా చేసిన నవాజ్ షరీఫ్ తనకు సౌదీ అరేబియాలో స్టీల్ మిల్ ఎలా సంపాదించారో ఆధారం చూపలేకపోయారు. అంతకు ముందు లండన్ లో అపార్ట్ మెంట్స్ ఎలా కొన్నారో నిరూపించనందున అవినీతి కేసులో నవాజ్ షరీఫ్ ను దోషిగా తేలుస్తూ కోర్టు,  ఆయనకు 10 ఏళ్ల జైలు శిక్ష విధించింది. ఇప్పుడు అదే కోర్టు, నవాజ్ షరీఫ్ ప్రధానిగా ఉన్న సమయంలో అవినీతికి పాల్పడినందుకుగాను ఏడేళ్ల జైలు శిక్ష ఖరారు చేసింది.

మరింత +
Imran Khan Sahab Should Learn Something From Us: Asaduddin Owaisi

ఇమ్రాన్ ఖాన్‌ వ్యాఖ్యలపై మండిపడ్డ ఒవైసీ

భారత్ పై పాకిస్థాన్ ప్రధానమంత్రి ఇమ్రాన్ ఖాన్ చేసిన వ్యాఖ్యలపై ఎంఐఎం అధినేత అసదుద్దీన్ ఒవైసీ మండిపడ్డారు. మైనార్టీలను ఎలా చూసుకోవాలో తమ ప్రభుత్వం భారత్ కు చూపిస్తోందంటూ ఇమ్రాన్ చేసిన వ్యాఖ్యలను తప్పుబట్టారు. భారత్ నుంచి పాకిస్థాన్ నేర్చుకోవాల్సింది చాలా ఉందని ఒవైసీ అన్నారు. మైనార్టీ హక్కుల గురించి భారత్ నుంచి పాకిస్థాన్ నేర్చుకోవాలని అన్నారు. పాకిస్థాన్ రాజ్యాంగం ప్రకారం కేవలం ముస్లిం వ్యక్తి మాత్రమే అధ్యక్షుడు కాగలడని భారత్ లో అణగారిన వర్గాల నుంచి వచ్చిన ఎందరో రాష్ట్రపతి పదవిని చేపట్టారని చెప్పారు. మైనార్టీల హక్కులు, సమ్మిళిత రాజకీయాల గురించి తమ దేశం నుంచి ఖాన్ సాబ్ నేర్చుకోవాల్సిన సమయం ఆసన్నమైందని ట్విట్టర్ ద్వారా ఒవైసీ స్పందించారు.

మరింత +
At least 62 killed when tsunami hits beaches in Indonesia

ఇండోనేషియాలో మరోసారి సునామీ విధ్వంసం

ఇండోనేషియాలో మరోసారి సునామీ విధ్వంసం సృష్టించింది. సండా స్ట్రెయిట్ ప్రాంతాన్ని సునామీ ముంచెత్తడంతో 43 మందికి పైగా మృతి చెందారని, మరో 600 మందికి పైగా గాయపడ్డారని అధికారులు వెల్లడించారు. ఈ ప్రమాదంలో మరో ఇద్దరి ఆచూకీ తెలియడం లేదని, వందల సంఖ్యలో భవనాలు దెబ్బతిన్నాయని ఆదేశ విపత్తు నిర్వహణ సంస్థ తెలిపింది.  

క్రకటోవా అగ్నిపర్వతం పేలుడు సంభవించిన తర్వాత సముద్ర గర్భంలో కొండ చరియలు విరిగిపడి అలజడి చోటుచేసుకోవడమే ఈ సునామీకి కారణమై ఉంటుందని అధికారులు అంచనా వేస్తున్నారు.పౌర్ణమి రోజు కావడం కూడా సముద్రంలో అలలు మరింత ఎగిసిపడేలా చేసి ఉంటుందని విపత్తు నిర్వహణ సంస్థ తెలిపింది. కాగా ఈ ప్రమాదంలో మృతుల సంఖ్య ఇంకా పెరిగే అవకాశం ఉందని భావిస్తున్నారు.  

ఒకదాని తర్వాత ఒకటి రెండు భారీ అలలు దూసుకొచ్చాయని ప్రత్యక్ష సాక్ష్యులు తెలుపుతున్నారు. మొదటి అల కంటే రెండోది మరింత బలంగా వచ్చి విధ్వంసం సృష్టించిందని వారు వివరించారు. అంతకు మందు భారీ పేలుడు శబ్దం కూడా వినిపించిందని తెలిపారు.క్రకోటోవా అనే అగ్నిపర్వతం శుక్రవారం 2 నిమిషాల 12 సెకన్ల పాటు విస్ఫోటనం చెందడంతో, పర్వతాల మీద దాదాపు 400 మీటర్ల ఎత్తు వరకు బూడిద ఎగిసిపడిందని ఇండోనేషియా అధికారులు వెల్లడించారు.  

ఈ ఏడాది సెప్టెంబర్‌ ఆఖరులో ఇండోనేషియాలోని పాలు నగరంపై భారీ సునామీ విరుచుకుపడడంతో 2,000 మందికి పైగా ప్రాణాలు కోల్పోయారు. వేలాది మంది నిరాశ్రయులయ్యారు. వేలాది భవనాలు ధ్వంసమయ్యాయి.భారీ విలయాన్ని మరవకముందే ఇప్పుడు మరో సునామీ ఇండోనేషియాను అతలాకుతలం చేసింది. 2004 డిసెంబర్ 26న హిందూ మహాసముద్రంలో సంభవించిన భారీ సునామీ వల్ల ఇండోనేషియా సహా 14 దేశాల్లో 2,28,000 మంది చనిపోయారు.

మరింత +
Barack Obama’s surprise visit as Santa Claus to a children’s hospital is melting hearts

శాంతాక్లాజ్‌గా పిల్లలకు సర్‌ప్రైజ్‌ ఇచ్చిన ఒబామా

అమెరికా మాజీ అధ్యక్షుడు బరాక్ ఒబామా శాంతాక్లాజ్ అవతారమెత్తి.. చిన్నారులను అలరించారు. ఒబామా కొన్ని స్వచ్ఛంద సంస్థలతో కలిసి సామాజిక సమస్యల పట్ల అవగాహన కల్పిస్తూ ఉంటారు. క్రిస్మస్‌ సమీపిస్తుండటంతో వాషింగ్టన్‌లోని ఓ చిన్నపిల్లల ఆస్పత్రికి వెళ్లి అక్కడి పిల్లలకు సర్‌ప్రైజ్‌ చేశారు. శాంతాక్లాజ్‌ టోపీ పెట్టుకుని వాళ్ల వద్దకు వెళ్లి కాసేపు వారితో సమయం కేటాయించారు. పిల్లలతో ఆటలాడారు. పాటలు పాడారు. ఆసుపత్రికి వచ్చేటప్పుడు పిల్లలకు క్రిస్మస్‌ కానుకలను తీసుకొచ్చారు. కానుకల సంచిని భుజాన వేసుకుని ఒబామా నడుచుకుంటూ వస్తున్న ఫొటో ఒకటి వైరల్‌ అవుతోంది. పిల్లలతో అక్కడ ఒబామా గడిపిన తీరును చిల్డ్రన్‌ నేషనల్‌ అనే సంస్థ వీడియో తీసి సామాజిక మాధ్యమాల్లో పోస్ట్‌ చేసింది. దీంతో ఈ ఫొటోలు, వీడియో వైరల్‌ అవుతున్నాయి.

మరింత +
US Defence Chief James Mattis Quits Over Trump's Syria, Afghanistan Move

సిరియా నుంచి US సైనిక ద‌ళాల ఉప‌సంహ‌రణ

అమెరికా అధ్య‌క్షుడు డోనాల్డ్ ట్రంప్ త‌న నిర్ణ‌యంతో అంద‌ర్నీ స‌ర్‌ప్రైజ్ చేశారు. సిరియా నుంచి త‌మ దేశ సైనిక ద‌ళాలు ఉప‌సంహ‌రణ కోసం ఆదేశాలు ఇచ్చారు. పెంట‌గాన్ ఈ నిర్ణ‌యాన్ని వెల్ల‌డించింది. వైట్‌హౌజ్ దీన్ని దృవీక‌రించింది. ఇస్లామిక్ ఉగ్ర‌వాదులు ఓడిపోయార‌ని, సిరియాలో ఉన్న రెండు వేల మంది సైనికులు వెన‌క్కి రావాల‌ని ట్రంప్ త‌న ఆదేశాల్లో స్ప‌ష్టంగా పేర్కొన్నారు. అయితే ట్రంప్ నిర్ణ‌యంపై కొంద‌రు రిప‌బ్లిక‌న్లు అభ్యంత‌రం వ్య‌క్తం చేశారు. ఐదేళ్ల క్రితం ఐసీఎస్ అత్యంత శ‌క్తివంతంగా, ప్ర‌మాద‌క‌రంగా ఉండేద‌ని, అమెరికా ద‌ళాలు ఆ దుష్ట‌శ‌క్తిని నాశ‌నం చేశాయ‌ని వైట్‌హౌజ్ ప్రెస్ సెక్ర‌ట‌రీ సారా శాండ‌ర్స్ ఒక ప్ర‌క‌ట‌న‌లో తెలిపారు. దీనికి సంబంధించి ట్రంప్ ఓ ట్వీట్ కూడా చేశారు. అయితే సిరియా, అఫ్ఘనిస్తాన్ కు అనుకూలంగా ట్రంప్ వ్యవహరిస్తున్నారని  విభేధించిన అమెరికా రక్షణ శాఖ చీఫ్ జేమ్స్ మాటీస్ తన పదవికి రాజీనామా చేశారు. 

మరింత +
Ranil Wickremesinghe to take oath as Sri Lankan PM today

శ్రీలంక కొత్త ప్రధాని రణిల్ విక్రమ్ సింఘే

దాదాపు రెండు నెలలుగా శ్రీలంకలో నెలకొన్న రాజకీయ సంక్షోభానికి తెరపడింది. రాజకీయ వివాదాల మధ్య అక్టోబర్‌ 26న ప్రధానిగా బాధ్యతలు చేపట్టిన మహింద రాజపక్సే శనివారం పదవికి రాజీనామా చేశారు. దీంతో తిరిగి ఇవాళ రణిల్‌ విక్రమసింఘే ప్రధానిగా బాధ్యతలు చేపట్టనున్నారు. రణిల్‌ విక్రమసింఘేను తిరిగి ప్రధానిగా నియమించేందుకు శ్రీలంక అధ్యక్షుడు సిరిసేన కూడా అంగీకరించారు. సోమవారం కొత్త కేబినెట్‌ కొలువుతీరే అవకాశముంది. 30 మందితో కొత్త కేబినెట్‌ కొలువుతీరనుండగా అందులో ఆరుగురు శ్రీలంక ఫ్రీడమ్‌ పార్టీ ఎంపీలు కూడా ఉండనున్నారు. ఈ ఏడాది అక్టోబర్‌ 26న శ్రీలంక అధ్యక్షుడు మైత్రిపాల సిరిసేన ప్రధానిగా ఉన్న రణిల్‌విక్రమసింఘేను తొలగించి ఆ స్థానంలో రాజపక్సేను ప్రధానిగా నియమించారు. దీంతో లంకలో రాజకీయ సంక్షోభానికి తెరలేసింది. అయితే సిరిసేన నిర్ణయాన్ని ఆ దేశ సుప్రీంకోర్టు తప్పుబట్టింది. రణిల్‌ను ప్రధాని పదవి నుంచి తప్పించడం, ఏకపక్షంగా పార్లమెంట్‌ రద్దూ చేస్తూ సిరిసేన తీసుకొన్న నిర్ణయాలు అక్రమమని తీర్పునిచ్చింది. మరోవైపు కోర్టు తీర్పుపై స్టే విధించేందుకు శుక్రవారం అపెక్స్‌ కోర్టు నిరాకరించింది.

మరింత +
Jamal Khashoggi Is TIME Person of the Year, Alongside Other Journalists

టైమ్స్ మ్యాగజైన్ పర్సన్ ఆఫ్ ది ఇయర్‌గా జమాల్

ప్రఖ్యాత జర్నలిస్ట్ జమాల్ ఖషోగ్గి టైమ్స్ మ్యాగజైన్ పర్సన్ ఆఫ్ ది ఇయర్‌గా ఎంపికయ్యారు. సౌదీలో వాషింగ్టన్ పోస్ట్ జర్నలిస్టుగా పని చేసిన జమాల్ ఖషోగ్గి.. టర్కీలోని సౌదీ దౌత్య కార్యాలయంలో హత్యకు గురైయ్యారు. నిజాలను వెల్లడించినందుకు నేరాభియోగాలను ఎదుర్కొంటున్న ఇతర జర్నలిస్టులు కూడా ఈ గౌరవానికి ఎంపికయ్యారు. ఖషోగ్గితో పాటు ప్రస్తుతం మయన్మార్‌లో జైలు పాలైన రాయిటర్ జర్నలిస్టులు వా లోన్, క్యాయ్ సోయ్ ఓ, ఫిలిప్పీన్స్ జర్నలిస్టు మారియా రెస్సా కూడా ఈ గౌరవానికి ఎంపికైన వారిలో ఉన్నారు.

మరింత +