అంతర్జాతీయం వార్తలు

World first English-speaking artificial intelligence anchor makes debut in China

న్యూస్ రీడర్లకు షాక్: AI యాంక‌ర్లను తీసుకొచ్చిన చైనా

చైనా తన కృత్రిమ మేధస్సుతో యాంక‌ర్ల ఉపాధికి ఎసరు పెట్టింది. రోజువారి వార్త‌ల‌ను చ‌దివేందుకు ఆర్టిఫిషియ‌ల్ ఇంటెలిజెన్స్ యాంక‌ర్ల‌ను రంగంలోకి దింపింది. దీంతో ప్రపంచంలో లక్షల మంది తమ ఉపాధి కోల్పోయే పరిస్థితి నెలకొంటున్నదంటున్నారు నిపుణులు. ఏఐ-టెక్నాలజీని ఉపయోగించి న్యూస్ యాంకర్‌కు ప్రత్యామ్నాయాన్ని తీసుకొచ్చింది చైనా. త‌న అధికారిక న్యూస్ చానెల్ జినువాలో ఈ ఏఐ యాంకర్లను బరిలోకి దింపింది. ఈ యాంకర్లు 365 రోజులు నాన్‌స్టాప్‌గా ప్ర‌తి వార్తలను ప్రజలకు అందజేస్తాయని జినువా వెల్లడించింది. ఇందులో రెగ్యులర్‌గా కనిపించే కియు హావో అనే యాంకర్ డిజిటైజ్డ్ వర్షన్ తో ఆ చానెల్ ఓప్రకటనను చేయించింది. మీకు 365 రోజులూ అందుబాటులో ఉంటానని చెబుతోంది.ఈ ఏఐ టెక్నాలజీని జినువా, చైనీస్ రీసెర్చ్ ఇంజిన్ సోగోలు కలిసి అభివృద్ధి చేశాయి. ఈ డిజిటల్ యాంకర్స్ యాంకర్లలాగే మాట్లాడటం విశేషం. వార్త‌ల స్వ‌భావాన్ని బ‌ట్టి వాటి ముఖ కవళికలు, హావభావాలను కూడా ఇవి వ్య‌క్త ప‌రుస్తున్నాయి. వీటిని చూస్తే ఓ రోబో మాట్లాడుతున్న ఫీలింగ్ కాకుండా నిజమైన యాంకరే వార్తలు చదువుతున్నట్లుగా ఉంటుందని జినువా వెల్ల‌డించింది.

మరింత +
Bangladesh Prime Minister Sheikh Hasina to seek re-election Dec 23

డిసెంబర్ 23న బంగ్లాదేశ్ ఎన్నికలు

బంగ్లాదేశ్‌లోనూ ఎన్నికల నగరా మోగింది. డిసెంబర్ 23వ తేదీన సార్వత్రిక ఎన్నికలు జరగనున్నాయి. 11వ సాధారణ ఎన్నికలు దేశ వ్యాప్తంగా డిసెంబర్‌ 23వ తేదీన జరుగుతాయని ప్రధాన ఎన్నికల కమిషనర్‌ నూరుల్‌ హుదా ప్రకటించారు. తొలిసారిగా ఈ ఎన్నికల్లో పరిమిత సంఖ్యలో ఎలక్ట్రానిక్‌ ఓటింగ్‌ యంత్రాలను వినియోగించబోతున్నారు. వంద నియోజకవర్గాల్లో 1.50 లక్షల ఈవీఎంలను వినియోగించేందుకు ఎన్నికల సంఘం ప్రణాళికలు రూపొందించినట్టు స్థానిక మీడియా తెలియజేసింది.

మరింత +
In A First, India To Be In Talks With Taliban At Non-Official Level

తాలిబన్‌‌లతో తొలిసారిగా భారత్‌ చర్చలు

అఫ్గానిస్థాన్‌లోని ఉగ్రవాద ముఠా తాలిబన్‌తో భారత్‌ తొలిసారిగా చర్చలు జరపబోతోంది. రష్యా రాజధాని మాస్కోలో తాలిబన్లతో రేపు అనధికారిక చర్చలు జరగనున్నాయి. ఆఫ్ఘనిస్థాన్ లో నెలకొన్న ఉగ్ర సంక్షోభాన్ని నివారించే నిమిత్తం ఈ చర్చలను రష్యా నిర్వహిస్తోంది. చర్చలకు గాను ఇండియా, పాకిస్థాన్, అమెరికా,చైనాలతో పాటు పలు దేశాలను రష్యా ఆహ్వానించింది. ఈ సమావేశంలో తాలిబన్ నేతలు కూడా పాల్గొననున్నారు. రష్యన్ ఫెడరేషన్ ఈ సమావేశాన్ని నిర్వహిస్తోందని భారత విదేశాంగ శాఖ అధికార ప్రతినిధి రవీష్ కుమార్ తెలిపారు.

మరింత +
White House pulls CNN reporter Jim Acosta's pass after contentious news conference

మీడియాను టార్గెట్ చేసిన ట్రంప్

అమెరికా మధ్యంతర ఎన్నికల్లో దెబ్బతిన్న ట్రంప్ మరోసారి మీడియాను టార్గెట్ చేశారు. మీడియా తప్పుడు ప్రచారమే తమ ఓటమికి కారణమని పరోక్షంగా విమర్శించిన ఆయన సీఎన్‌ఎన్‌ జర్నలిస్ట్ జిమ్ అకోస్టా ప్రెస్‌పాస్‌ను రద్దు చేశారు. ఇది ఇప్పుడు చర్చనీయాంశంగా మారింది. మధ్యంతర ఎన్నికల పోలింగ్ అనంతరం ఏర్పాటు చేసిన మీడియా సమావేశానికి హాజరైన సీఎన్‌ఎన్‌ రిపోర్టర్‌ జిమ్‌ అకోస్టా వలసదారులపై ట్రంప్‌ అనుసరిస్తున్న విధానాలను ప్రస్తావిస్తూ ఇది ఒకరమైన దాడే కదా అంటూ ప్రశ్నల వర్షం కురిపించారు. దీంతో ట్రంప్ వ్యంగ్యంగా సమాధానం ఇచ్చారు. మరో ప్రశ్న అడిగేందుకు సిద్ధమైన అకోస్టాను ట్రంప్ అడ్డుకున్నారు. ఈ క్రమంలో ఎన్నికల ఫలితాలు వెల్లడైన అనంతరం జిమ్‌ అకోస్టా మరోసారి వైట్‌హౌజ్‌లోకి వెళ్లేందుకు ప్రయత్నించగా సిబ్బంది అతడిని అడ్డుకున్నారు. ప్రెస్‌పాస్‌ రద్దు అయిన కారణంగా లోపలికి అనుమతించలేమని పేర్కొన్నారు. ఫ్యూచర్‌ నోటీసు అందేంత వరకు మళ్లీ వైట్‌హౌజ్‌లో ప్రవేశించే వీలులేదని వైట్‌హౌజ్‌ వర్గాలు అతడికి సూచించాయి. కాగా దీనిపై వైట్ హౌ‌స్ ప్రతినిధి సారా సాండర్స్‌ వివరణ ఇచ్చారు. అధ్యక్షుడు ట్రంప్ పాలనపై ప్రశ్నలకు సమాధానమిస్తారు కానీ, ప్రెస్‌పాస్‌ పేరిట వైట్‌హౌజ్‌లో ప్రవేశించి మహిళా ఉద్యోగితో అసభ్యంగా ప్రవర్తిస్తే మాత్రం ఉపేక్షించేది లేదంటూ ట్వీట్‌ చేశారు. కాగా ఇవన్నీ అబద్ధాలని, వారి తప్పులను ఎత్తిచూపిన కారణంగానే తనపై అనవసరపు ఆరోపణలు చేస్తున్నారని అకోస్టా పేర్కొన్నారు.

మరింత +
Trump Can’t Come Due to Scheduling Constraints: White House Response to India’s Republic Day Invite

భారత రిపబ్లిక్‌ డే వేడుకలకు ట్రంప్ రావడం లేదు

ఇండియన్ రిపబ్లిక్‌ డే వేడుకలకు హాజరుకాలేకపోతున్నట్టు అమెరికా అధ్యక్షుడు డొనాల్డ్ ట్రంప్ ప్రకటించారు.గతేడాది వాషింగ్టన్‌లో జరిగిన ద్వైపాక్షిక చర్చల సందర్భంగా రిపబ్లిక్ డే వేడుకలకు ముఖ్య అతిథిగా రావాల్సిందిగా ప్రధాని నరేంద్రమోదీ ట్రంప్‌ను ఆహ్వానించారు. అయితే బిజీ షెడ్యూలు కారణంగా డొనాల్డ్ ట్రంప్ భారత గణతంత్ర వేడుకలకు హాజరుకాలేకపోతున్నట్టు వైట్ హౌస్ అధికార ప్రతినిధి తెలిపారు. మోదీకి- ట్రంప్‌కు మధ్య బలమైన సంబంధాలు ఉన్నాయని, అమెరికా-భారత్ మధ్య సంబంధాలను మరింత బలోపేతం చేయాలని ట్రంప్ యోచిస్తున్నట్టు వైట్ హౌస్ అధికార ప్రతినిధి తెలిపారు.

మరింత +
Lion Air crash: Jakarta Boeing 737 'had prior instrument error'

బోయింగ్ 737 విమాన ప్రయాణికుల గుండెల్లో గుబులు

ఇండోనేషియాలో లయిన్ ఎయిర్ విమాన ప్రమాద ఘటనలో 189 మంది దుర్మరణం పాలయ్యారు. విమానంతో సంబంధాలు తెగిపోగానే అప్రమత్తమైన అధికారులు విమానం కోసం గాలింపు చేపట్టారు. హుటాహుటిన సముద్రంలోకి వెళ్లిన రెస్క్యూ సిబ్బందికి విమాన శకలాలు, ప్రయాణికుల వస్తువులు కనిపించాయి. ఘటన జరిగిన ప్రాంతంలో సముద్ర ఉపరితలం చమురుతో నిండిపోయింది. మరోవైపు విమానాశ్రయంలో మృతుల బంధువుల రోదనలు మిన్నంటాయి.  
విమాన ప్రమాదంలో 189 మంది మృతి..
ఇండోనేసియాలో కూలిన బోయింగ్‌-737 మ్యాక్స్‌-8 సిరిస్ విమానం గత ఏడాది నుంచే వాణిజ్య వినియోగంలోకి వచ్చింది. 737 మ్యాక్స్‌ సిరిస్ విమానాలు ప్రపంచవ్యాప్తంగా ఎనలేని ఆదరణ సంపాదించాయి. ఇలాంటి విమానానికి ప్రమాదం జరగడం విస్మయం కలిగిస్తోంది. సాధారణంగా విమానం పాతబడిపోయాక ప్రమాదాలకు ఆస్కారం పెరుగుతుంది. అయితే వాడుకలోకి వచ్చి మూడు నెలలు కూడా గడవక ముందే, మొత్తం 800 గంటల ప్రయాణానికే లయన్‌ ఎయిర్‌కు చెందిన ఈ బోయింగ్‌ 737 మ్యాక్స్‌-8 విమానం కూలిపోవడంపై ఆశ్చర్యం వ్యక్తమవుతోంది. నిజానికి ఈ శ్రేణి విమానం భారీ ప్రమాదానికి లోను కావడం ఇదే మొదటిసారి.  
భారత్‌లోని బోయింగ్ 737లలో ఆ ప్రమాదం లేదు..
ఇండోనేసియా విమాన ప్రమాదం నేపథ్యంలో భారత్‌లో ఉన్న బోయింగ్‌-737 మ్యాక్స్‌ సిరీస్ విమానాల భద్రత చర్చనీయాంశమైంది. అయితే మన వద్ద ఉన్న ఆ తరహా విమానాల్లో సాంకేతికంగా ఎలాంటి ఇబ్బంది లేదని పౌర విమానయాన శాఖ డైరెక్టరేట్‌ జనరల్‌ పేర్కొంది. భారత్‌లో జెట్‌ ఎయిర్‌ వేస్‌, స్పైస్‌జెట్‌ విమానయాన సంస్థల వద్ద ఈ శ్రేణికి చెందిన ఆరు విమానాలు ఉన్నాయని తెలిపింది.

మరింత +
Lion Air crash: 189 feared dead after Indonesia plane plunges into sea: Debris found in sea off Jakarta

ఆ విమాన ప్రమాదంలో 189 మంది బతికే ఛాన్స్ లేదట!

ఇండోనేషియాలో లయన్ ఎయిర్ విమాన ప్రమాదంలో మృతదేహాల కోసం గాలింపు, సహాయకచర్యలు కొనసాగుతున్నాయి. ఇప్పటికే విమాన శకలాలను గుర్తించిన సిబ్బంది పూర్తి విమానం కోసం గాలిస్తున్నారు. ఆ విమానాన్ని నడుపుతున్న పైలట్ మరణించినట్టు భారత్ ఎంబసీ ప్రకటించింది. ఈ ఘటనలో ప్రయాణికులు, మిగతా సిబ్బంది ఎవరూ బతికే అవకాశం లేదని సమాచారం. విమానం కూలిన ప్రాంతంలో ప్రయాణికుల వస్తువులు, ఫోన్లు, పుస్తకాలు, శకలాలు తేలియాడుతూ కన్పించాయి. ఇప్పటికే కొందరి మృతదేహాలను సహాయక సిబ్బంది వెలికితీసింది. వీటికి సంబంధించిన ఫొటోలను ఇండోనేషియా రెస్క్యూ ఏజెన్సీ ట్విటర్‌లో పోస్టు చేసింది. ఇండోనేషియా రాజధాని జకార్తా నుంచి 189 మంది ప్రయాణికులు, సిబ్బందితో బయల్దేరిన లయన్ ఎయిర్‌ విమానం టేకాఫ్‌ అయిన కొద్ది క్షణాలకే కుప్పకూలిన విషయం తెలిసిందే. టేకాఫ్‌ అయిన 13 నిమిషాలకు ఎయిర్‌ ట్రాఫిక్‌ కంట్రోలర్‌తో సంబంధాలు కోల్పోయి జావా సముద్రంలో కుప్పకూలిపోయింది. అది 114 అడుగుల లోతుకు మునిగిపోయినట్లు అధికారులు అంచనా వేస్తున్నారు.

మరింత +
Indonesia plane crash: flight JT610 plunges into waters off Jakarta

సముద్రంలో కూలిన లయిన్ ఎయిర్ విమానం

ఇండోనేషియాలోని జకార్తా నుంచి పంన్గకల్ పినంగ్‌కు బయలుదేరిన లయిన్ ఎయిర్ విమానం సముద్రంలో కూలిపోయింది. టేకాఫ్ అయిన కొద్దిసేపటికే విమానంతో గ్రౌండ్ కంట్రోల్‌కు సంబంధాలు తెగిపోయాయని అధికారులు చెబుతున్నారు. మొత్తం 189 మందితో ప్రయాణిస్తున్న JT-610 విమానం వెస్ట్ జావా ప్రావిన్స్‌లోని సముద్రంలో కూలిపోయినట్టు నిర్ధారించారు. దీంతో వెంటనే సహాయక బృందాలను విమానం కూలిపోయిన ప్రాంతానికి పంపించారు. జకార్తా విమానాశ్రయం నుంచి ఉదయం 6 గంటల 22 నిమిషాలకు టేకాఫ్ అయిన విమానం 6 గంటల 33 నిమిషాలకు గ్రౌండ్ కంట్రోల్‌తో సంబంధాలు కోల్పోయింది. ఈ బోయింగ్ 737 విమానం పంన్గకల్ పినంగ్‌కు ఉదయం 7 గంటల 20 నిమిషాలకు చేరాల్సి ఉంది. అయితే మార్గ మధ్యలోనే విమానం కూలిపోయింది. 2013లో కూడా లయిన్ ఎయిర్‌కు చెందిన ఫ్లైట్ 904 ల్యాండ్ అవుతూ బాలీ అంతర్జాతీయ విమానాశ్రయ సమీపంలోని సముద్రంలో కూలిపోయింది. అయితే ఈ ప్రమాదంలో ఎవరూ చనిపోలేదు. విమానంలోని 108 మంది సురక్షితంగా బయటపడ్డారు. అలాగే 2004లో కూడా లయిన్ ఎయిర్‌కు చెందిన 538 విమానం సోలో సిటీలో కూలిపోయింది. ఈ ప్రమాదంలో 25 మంది ప్రయాణికులు మరణించారు.

మరింత +
Tim Cook: Being gay is God's greatest gift to me

యాపిల్ సంస్థ సీఈవో గే అని ఒప్పుకున్నాడు

స్వలింగ సంపర్కుడిగా ఉండడం దేవుడి ఇచ్చిన గొప్ప వరంగా భావిస్తున్నట్లు యాపిల్ సంస్థ సీఈవో టిమ్ కుక్ బహిరంగంగా అన్నారు. తాను గే అన్న విషయాన్ని టిమ్ కుక్ యాపిల్ సీఈవో బాధ్యతలు స్వీకరించిన తర్వాత వెల్లడించారు. ఆయన లైంగిక వైఖరి పట్ల ఇదివరకు ఆరోపణలు వచ్చాయి. అయితే తాను గే అన్న విషయాన్ని గతంలోనే బహిరంగంగా ప్రకటించాడు. గే అని చెప్పుకోవడం గర్వంగా ఫీలవుతున్నట్లు తెలిపారు కుక్. సీఎన్‌ఎన్ మీడియా సంస్థకు ఇచ్చిన ఇంటర్వ్యూలో ఆయన ఈ విషయాన్ని వెల్లడించారు. ప్రతి ఒక్కరినీ గౌరవించాలన్నారు. తాను గే అని తెలుసుకుని చాలా మంది తనను ఆశ్రయించినట్లు చెప్పారు. పిల్లలు ఎదుర్కొంటున్న సమస్యల పట్ల మౌనంగా ఉండడం మంచిది కాదన్నారు.

మరింత +
US to scrap work permits of H4 visa holders, over 100,000 Indian women at risk

ఇక అమెరికాపై ఆశలు వదులుకోవల్సిందే?

హెచ్‌–1బి, హెచ్‌–4 వీసాల విషయంలో ట్రంప్‌ ప్రభుత్వం తీసుకోనున్న కఠిన నిర్ణయాలు అమెరికాలోని పలు భారతీయ ఐటీ కంపెనీలపైన, లక్షల మంది భారతీయులపైన తీవ్ర ప్రభావం చూపనున్నాయి. అమెరికా ప్రభుత్వం హెచ్‌–4 వీసాదారులకు ఇస్తున్న వర్క్‌ పర్మిట్లను రద్దు చేయడం ఖాయమని తేలిపోయింది. అలాగే, హెచ్‌1బి వీసా నిర్వచనాన్ని, నిబంధనలను కూడా వచ్చే జనవరిలో సవరించనున్నట్టు అమెరికా హోంల్యాండ్‌ అండ్‌ సెక్యూరిటీ విభాగం తెలిపింది. అమెరికా కార్మికులకు మరింత ప్రయోజనం కలిగేందుకు, అత్యుత్తమ ప్రతిభ కలిగిన విదేశీయులకే అమెరికాలో ఉద్యోగం లభించేలా చూసేందుకు ఈ సవరణలు చేయనున్నట్టు హెచ్‌డిఎస్‌ స్పష్టం చేసింది.

మరింత +
Pakistan may buy Chinese supersonic missile, touted to be 'more lethal' than India's BrahMos

పాకిస్థాన్ అమ్ముల పొదిలో ఖండాంతర క్షిపణి

భారత్ - రష్యాలు సంయుక్తంగా అభివృద్ధి చేస్తున్న సూపర్ సోనిక్ క్షిపణి 'బ్రహ్మోస్'ను మించిన ఖండాంతర క్షిపణి పాకిస్థాన్ అమ్ముల పొదిలో చేరనున్నట్లు తెలుస్తోంది. ఇప్పటికే ఈ క్షిపణి పరీక్షలను విజయవంతంగా పూర్తి చేసిన చైనా, వాటిని పాకిస్థాన్ కు విక్రయించేందుకు నిర్ణయించిందని గ్లోబల్ టైమ్స్ ప్రత్యేక కథనాన్ని ప్రచురించింది. ఏ విధమైన వాతావరణ పరిస్థితుల్లోనైనా ఇది లక్ష్యాన్ని చేరుతుందని, అధిక శక్తి, వేగ నియంత్రణా వ్యవస్థలు దీని సొంతమని వెల్లడించింది. ఓ చైనా మైనింగ్ సంస్థ దీన్ని తయారు చేసి ఉత్తర చైనాలోని నిర్జన ప్రదేశంలో పరీక్షించిందని పేర్కొంది. వీటిని కొనుగోలు చేయనున్న విదేశాల జాబితాలో పాకిస్థాన్ ఉందని చెప్పింది.

మరింత +
Lawsuit against US immigration body over shorter H-1B visas

హెచ్‌–1బీ వీసాపై అమెరికా కోర్టులో వ్యాజ్యం

హెచ్‌–1బీ వీసా కాలపరిమితిని మూడేళ్ల కన్నా తక్కువకు కుదించడంపై అమెరికా కోర్టులో వ్యాజ్యం దాఖలైంది. వేయికి పైగా ఇండో–అమెరికన్ల నేతృత్వంలోని కంపెనీలకు ప్రాతినిధ్యం వహిస్తున్న ఐటీ సర్వ్‌ అలయన్జ్‌ అనే సంస్థ.. అమెరికా వలస సేవల సంస్థ యూఎస్‌ సిటిజన్‌షిప్‌ అండ్‌ ఇమిగ్రేషన్‌ సర్వీసెస్‌కి వ్యతిరేకంగా ఈ దావా వేసింది. మూడేళ్ల కన్నా తక్కువ వ్యవధికే హెచ్‌–1బీ వీసాలను మంజూరుచేసే ప్రక్రియను ఇమిగ్రేషన్‌ ఏజెన్సీ ఇటీవల చేపట్టిందని ఐటీ సర్వ్‌ అలయన్జ్‌ పేర్కొంది. ఇలా జారీ అవుతున్న వీసాల కాల పరిమితి చాలా తక్కువగా ఉంటోందని, కొన్నిసార్లు 45, 60 రోజుల పరిమితితో కూడా వీసాలు జారీ అవుతున్నాయని తెలిపింది. నిబంధనల్ని తప్పుగా చూపించి.. వీసా గడువును తగ్గించే అధికారం ఇమిగ్రేషన్‌ ఏజెన్సీకి లేదని తెలిపింది. మూడేళ్ల కాలానికి వీసాల్ని మంజూరుచేసే అధికారాన్ని అమెరికా పార్లమెంట్‌ డిపార్ట్‌మెంట్‌ ఆఫ్‌ లేబర్‌కు కట్టబెట్టిన సంగతిని గుర్తుచేసింది.

మరింత +
India wins election to UNHRC with highest votes

మానవ హక్కుల మండలిలో భారత్‌కు చోటు

ఐక్యరాజ్యసమితిలో భారత్‌కు అరుదైన‌ గౌరవం దక్కింది. మానవ హక్కుల మండలిలో భార‌త్ కు చోటు ద‌క్కింది. తాజాగా ఎన్నికల్లో భారత్ విక్టరీ నమోదు చేసుకుంది. యూఎన్ హ్యూమన్ రైట్స్ కౌన్సిల్ కోసం జరిగిన ఎన్నికల్లో భారత్ అత్యధిక ఓట్లు నెగ్గింది. యూన్ వోలో మొత్తం 193 స‌భ్య‌దేశాలు ఉండ‌గా భారత్ 188 ఓట్లు సాధించింది. ఆసియా పసిఫిక్ క్యాటగిరీలో భారత్‌కు ఈ గౌరవం దక్కింది. దీంతో మానవ హక్కుల మండలిలో భారత్ మూడేళ్ల సభ్యత్వం దక్కించుకున్నది. 2019, జనవరి ఒకటవ తేదీ నుంచి ఈ సభ్యత్వం అమలులోకి వస్తుంది. మానవ హక్కుల మండలిలో 18 మంది కొత్త సభ్యుల కోసం ఎన్నికలు నిర్వహిస్తారు. అయితే ఒక్కొక్క దేశానికి కనీసం 97 ఓట్లు వస్తేనే సభ్యత్వం లభిస్తుంది. హుమ‌న్ రైట్స్ కౌన్సిల్ మండ‌లిలో భార‌త్ తో పాటు బ‌ర్కినా ఫాసో, కామ‌రూన్, ఎరిత్రియా, టోగో, సోమాలియా, బెహ్రేన్, బంగ్లాదేశ్, ఫిజీ, ఫిలిప్పేన్, బ‌ల్గేరియా, చెక్ రిప‌బ్లిక్, అర్జంటీనా, బ‌హామాస్, ఉరుగ్వే, డెన్ మార్క్, ఇట‌లీ దేశాలు స్థానం సంపాదించాయి. అయితే మానవ హక్కుల ఉల్లంఘనకు పాల్పడిన ఫిలిప్పైన్స్, ఎరిత్రియా దేశాలు మండలిలో చోటు సంపాదించడంపై విమర్శలు వస్తున్నాయి. 

మరింత +
T-Flight - China’s supersonic train would reach 4000 km/h

కొత్తరకం: చైనా సూపర్ సోనిక్ టీ ఫ్లయిట్ రైలు

హైస్పీడ్ రైళ్ల తయారీ విభాగంలో విమానాలతో పోటీ పడేందుకు సిద్ధమవుతోంది చైనా. 2025 నాటికి గంటకు 1000 కిలోమీటర్ల వేగంతో ప్రయాణించే హైస్పీడ్‌ రైలును అందుబాటులోకి తేవాలని భావిస్తోంది. చైనాలోని చెంగ్డౌలో జరుగుతున్న 2018 నేషనల్‌ మాస్‌ ఇన్నోవేషన్‌ అండ్‌ ఎంటర్‌ప్రెన్యూర్‌షిప్‌ వీక్‌లో దీనికి సంబంధించిన స్కేల్‌మోడల్‌ను ఆవిష్కరించారు. టీ-ఫ్లయిట్‌ పేరుతో పిలుస్తున్న ఈ రైలు తయారీని చైనా ఏరోస్పేస్‌ సైన్స్‌ అండ్‌ ఇండస్ట్రీ కార్పొరేషన్‌ లిమిటెడ్‌ 2015లో ప్రారంభించింది.

మరింత +
IMF: Pakistan Submits Request for Emergency Lending

విదేశీ మారక ద్రవ్య సంక్షోభంలో పాక్

పాకిస్థాన్ తీవ్ర ఆర్థిక సంక్షోభాన్ని ఎదుర్కొంటోంది. విదేశీ మారక ద్రవ్య నిల్వలు అడుగంటాయి. చెల్లింపులు చేయలేక తీవ్ర ఆర్థిక సంక్షోభంలో చిక్కుకున్న పాకిస్థాన్‌ దాని నుంచి బయటపడేందుకు భారీ రుణ సమీకరణ ప్రయత్నాల్లో పడింది. అంతర్జాతీయ ద్రవ్యనిధి సంస్థ IMF నుంచి సుమారు 59 వేల కోట్ల రుణాన్ని ప్యాకేజి రూపంలో తెచ్చుకోవాలని చూస్తోంది. అయితే ఈ రుణాన్ని ఇచ్చేందుకు IMF కఠినమైన షరతుల్ని విధించే అవకాశాలున్నాయి. వాటిని పూర్తి చేసేందుకు పాక్‌కు మరింత రుణం అవసరం కానుంది. ఆ విధంగా అయితే దాదాపు 88 వేల 500 కోట్ల రుణాన్ని తీసుకోవాల్సి వస్తుందని ప్రముఖ పత్రిక డాన్ వెల్లడించింది. గతంలో IMF నుంచి డజను సార్లకు పైగా పాక్‌ రుణం పొందింది. విదేశీ మారక ద్రవ్య సంక్షోభం నుంచి బయటపడేందుకు ఈ సాయం చేయాల్సిందిగా IMFను ఆశ్రయించనున్నట్లు పాక్‌ ఆర్థిక మంత్రి అసద్‌ ఉమర్‌ ఇటీవలే ధ్రువీకరించారు.

మరింత +